Ma’ruza: Elektronika va sxemalar fani, maqsadi va vazifalari Reja: Funktsional elektronika

2 ma’ruza: IMS tayyorlash texnologiyasi. IMS aktiv va passiv elementlari.

Reja:

1. 
   IMS ta’rifi
   
2. 
   IMSlar klassifikatsiyasi
   
3. 
   IMS passiv elementlari
   
4. 
   IMS aktiv elementlari
   
5. 
   IMS tayyorlash texnologiyasi
   

Integral mikrosxema (IMS) o‘ta ixcham, o‘ta pishiq, kichik tannarxga ega bo‘lgan va kam quvvat iste’mol qiladigan radioelement yasash yo‘lidagi urinishlar mahsulidir.
IMS elementi deb, konstruktsiyasi bo‘yicha kristall yoki asosdan ajralmaydigan, ERE funktsiyasini bajaruvchi IMSning qismiga aytiladi.
IMS komponenti deb, diskret element funktsiyasini bajaruvchi, lekin montajdan avval mustaqil mahsulot bo‘lgan IMSning bo‘lagiga aytiladi. Yig‘ish, montaj qilish operatsiyalarini bajarishda komponentlar mikrosxema asosiga o‘rnatiladi. Qobiqsiz diod va tranzistorlar, kondensatorlarning maxsus turlari, kichik o‘lchamli induktivlik g‘altaklari va boshqalar sodda komponentlarga, murakkab komponentlarga esa – bir nechta elementdan tashkil topgan, masalan, diod yoki tranzistorlar yig‘malari kiradi.
IMSlar klassifikatsiyasi

• 
  Integratsiya darajasiga ko‘ra: kichik, o‘rta, katta, o‘ta katta, ultra katta va giga katta IMSlar;
  
• 
  Qabul qilinayotgan, saqlanayotgan va ishlov berilayotgan signal turiga ko‘ra: analog va raqamli IMSlar;
  
• 
  Tayyorlanish konstruktiv-texnologik turiga ko‘ra: yarimo‘tkazgichli, pardali va gibrid IMSlar;
  
• 
  Aktiv element turiga ko‘ra: bipolyar tranzistorli va MDYa-tranzistorli IMSlar;
  
• 
  Iste’mol quvvatiga ko‘ra: kam quvvatli, o‘rta quvvatli, katta quvvatli IMSlar;
  
• 
  Ishchi chastotasiga ko‘ra: past chastota, o‘rta chastota va yuqori chastota IMSlari;
  
• 
  Elementlarni bir-biridan izolyatsiyalanish usuliga ko‘ra va x.z.
  

IMSlarning belgilanish tizimi

• 
  IMSlar 6ta elementdan iborat bo‘lgan belgilanish tizimi yordamida klassifikatsiyalanadi:
  
• 
  Birinchi element (K – harfi) – IMS keng ko‘lamda qo‘llanilish uchun mo‘ljallanganligini bildiradi.
  
• 
  Eksport uchun mo‘ljallanganlari EK harflari bilan belgilanadi.
  
• 
  Ikkinchi element (harf) material va kobiq turini bildiradi (A- plastmassali planar, Ye-metall-polimerli, chiqishlari 2qator qilib yasalgan,
  
• 
  I-shishakeramikli planar, B-qobiqsiz va x.z.).
  
• 
  Uchinchi element (bitta son) – IMSning konstruktiv-texnologik turini bildiradi (1,5,6,7-yarimo‘tkazgichli, 2,4,8-gibrid, 3-boshqa: pardali, keramik, vakuumli).
  
• 
  To‘rtinchi element (ikkita yoki uchta son) – IMS seriyasining tartib raqamini bildiradi. Ikkita son birlalikda-aniq seriya raqamini bildiradi.
  
• 
  Beshinchi element (ikkita harf) – IMSning funktsional vazifasini bildiradi.
  
• 
  Oltinchi element bir turdagi IMS seriyalari ichidagi ishlanma tartib raqamini bildiradi.