маъруза Схемалар ва электроника фанига кириш

ЭЗН ФАНИ

• ЭЗН фани ўз ичига бир нечта фанлар бўлимларини ўз ичига олади, яъни электротехника, радиоалоқа, электр сигналлар назарияси ва бошқалар.
• Умуман телекоммуникация тармоқлари ва алоқа назарияларини ривожланиш жараёнларига асос солган ва катта хисса қўшган олимларни келтириб ўтамиз:
• 1831 йили электромагнит индукция ходисасини яратган инглиз физики М. ФАРАДЕЙ;
• 1832 йили рус олими ва ихтирочиси П. Л. ШИЛЛИНГ электромагнит телеграф яратди;
• 1833 йили рус физики Э. Х. ЛЕНЦ индукцион токнинг йўналиш қонунига асос солди;
• 1895 йили А. С. ПОПОВ симсиз алоқа воситасини яратди.

ЭЛЕКТРОНИКА ФАНИ

Электроника – электронларни электр майдони билан таъсирини ва ахборот узатиш, қайта ишлаш ва сақлашда қўлланиладиган электрон асбоб ва қурилмаларни яратиш усулларини ўрганиш билан шуғулланадиган фан. Электроника, авваламбор инсон жамиятининг ахборотга бўлган талабларини қондиришга мўлжалланган. Ишлаб чиқариш кучларининг ва ишлаб чиқариш муносабатларининг ривожланиши техника ва технологиянинг янги турларини яратишга асосланган ва ахборот воситаларининг ривожланиши билан кучли равишда боғлиқ. Инсонлар ўртасидаги ахборот алмашиш қурилмаларининг ривожланиш тарихи бир неча босқичлардан иборат: харакат ва мимика, товуш, ёзув, китоб босмаси, электроника. Ахборот узатишнинг янги усулига ўтиш доим жамиятда ишлаб чиқариш кучларини кескин ўсишига олиб келган. Электроника узоқ масофаларга узатилаётган ахборотнинг узатиш тезлиги ва ҳажмини кескин орттирди.

ЭЛЕКТРОНИКА ФАНИ

Электроника ривожланиш жараёнида тўрт босқични босиб ўтди.

Биринчи босқич 1895 йилда А.С. Попов томонидан симсиз телеграф – радио ихтиро қилиниши билан бошланди. Бу даврдаги алоқа қурилмалари пассив элементлардан: симлар, индуктивлик ғалтаклари, магнитлар, резисторлар, конденсаторлар, электромеханик қурилмалар (алмашлаб улагичлар, реле ва бошқалар)дан иборат эди.

ЭЛЕКТРОНИКА ФАНИ

Иккинчи босқич 1906 йили Л.де Форест томонидан биринчи актив электрон асбоб - триод лампасининг яратилиши билан бошланди. Триод – электр сигналларинии турли ўзгартириш усулларига эга бўлган, асосан – қувват кучайтириш хоссасига эга бўлган биринчи актив электрон асбоб бўлди. Кучсиз сигналларни электрон лампалари ёрдамида кучайтириш ҳисобига телефон орқали суҳбатларни узоқ масофаларга узатиш имконияти юзага келди. Электрон лампалари радио орқали товуш, мусиқа, кейинчалик эса телевидение орқали тасвирларни ҳам узатишга ўтишна имкон яратди. Иккинчи босқич электроника аппаратуралари элементларига – электрон лампалар, резисторлар, конденсаторлар, трансформаторлар киради.