Masharipova barno erkin qizi

Student processi

• 
  Psixikalıq processler(pereceptiya, motivaciya, oylaw hám yad) jaǵdayı,
  
• 
  Jeke tájiriybeni bayıtıw
  
• 
  Jeke sapaları
  

Oqıtıwshı processi

• 
  Metod,texnologiya hám formalardı tańlaw,
  
• 
  Dóretiwshilik process
  
• 
  Pedagogikalıq improvizaciya
  
• 
  Kásiplik kompetensiyaǵa iye bolıwı
  

2. 5-súwret. Bolajaq tárbiyashı-pedagoglar kásiplik motivaciyasın qáliplestiriwdiń didaktikalıq sisteması

Oqıw processinde studentlerde óz kásibine salıstırǵanda unamlı múnásibettiń júzege keliwi, olardı kásiplik baǵdarlanǵanlıǵına baylanıslı bolıp, tikkeley kásiplik-pedagogikalıq qarasları rawajlanadı. Olarda pedagogikalıq iskerlikke tiyisli túsinik hám qıyallar bayıtıladı. “BSDIÚ” modulın oqıtıwda lekciya hám ámeliy shınıǵıwlarda studentlerge hár qıylı mashqalalı sorawlardıń sheshimin tabıw iskerlik oyınları tiykarında ámelge asırıldı. Mısalı, “Mektepke shekemgi tálim shólkeminde saxnalastırıw iskerligi”, “Mektepke shekemgi tálim shólkemi túrli jas toparlarında saxnalastırıw iskerliginiń tiykarǵı wazıypaları”, “Saxnalastırıw iskerligi járdeminde balalarda dóretiwshilik qábiletlerdi rawajlandırıw” sıyaqlı temalarda iskerlik oyınları ótkerildi. Bilim alıw motivaciyası studentlerdiń háreketi menen tiykarlanadı hám de olardıń tilekleri hám tábiyiy qızıǵıwshılıqlarına baylanıslı boladı. Olar túrlishe qaraslar tiykarında sheshimlerdi qabıllaw, qálegen hám maqsetke jónelgen halda háreket etiwine erisiledi. Oqıw processinde bolajaq tárbiyashı-pedagoglarda kútilmegen jaǵdaylı mashqalalardı saplastırıw ilimiy tájiriybelerin qáliplestiriw, maqsetke erisiwde qatańlıqtı kórsetiw hám hár qıylı pedagogikalıq wazıypalardı atqarǵanda ózinen qanaatlanıw sezimin payda etiwge jeterli dárejede pedagogikalıq shárayat jaratıw talap etiledi. Izertlew dawamında studentlerde kásiplik motivaciyanı qáliplestiriwde oqıw-tárbiya iskerligin shólkemlestirilgen-metodikalıq tárepten tuwrı shólkemlestiriwge itibar qaratıldı. Motivler oqıw iskerligine úndew menen birge maqsetke erisiwde zárúr jol hám usıllar tańlawǵa járdem beredi. Oqıw iskerliginde oqıw motivleri studentler tárepinen tańlanıp, olar studenttiń maqseti, qızıǵıwshılıǵı, keleshek jobaları menen baylanıslı boladı. Kásiplik pedagogikalıq motivaciyanıń bunday zárúrli kórsetkishleriniń payda bolıwı keleshektegi tárbiyashılarda kásiplik mútajlik, kásiplik qızıǵıwshılıqtı rawajlandıradı. Oqıw processinde bolajaq tárbiyashı-pedagoglar kásiplik motivaciyasın qáliplestiriw ushın olardıń pedagogikalıq iskerlikke dóretiwshilik jantasıwları, balalar menen nátiyjeli baylanısta bolıw hám de óz ústinde islewdi jetilistiriw múmkinshilikleri keńeytirildi. Bolajaq tárbiyashı-pedagoglar kásiplik motivaciyasın qáliplestiriwde pedagogikalıq iskerlikke unamlı múnásibet hám kásiplik tayarlıq maqsetin ańlawǵa úyretiledi. Bul wazıypalardı orınlawdıń quramalılıǵı bolajaq tárbiyashı shaxsınıń qáliplesiwinde kásiplik tayarlıqtı tuwrı shólkemlestiriw hám tálimniń juwmaqlawshı maqsetin anıqlaw birinshi náwbette turadı. Bolajaq tárbiyashılardı oqıtıw processinde tek ǵana qánige tayarlaw názerde tutıladı, yaǵnıy kásibine múnásibet sezimin tárbiyalawǵa itibar qaratıladı. Bul proceste óz kásibine joqarı dárejedegi kásiplik qádiriyat tiykarında múnásibette bolıw kónlikpesi qáliplestiredi. Bul bolsa, álbette, pedagogikalıq dóretiwshilikti talap etedi. Studentlerdi pedagogikalıq iskerlikke tayarlawda kásipke qızıǵıwshılıq hám motivaciyanı asırıw kerek.
Studentlerde kásiplik motivaciyanıń rawajlanıwı oqıw iskerligi nátiyjelerin talqılaw járdeminde ámelge asırıldı. Bul proceste progressiv tálim ámelge asırıldı. Yaǵnıy studentler pedagogikalıq iskerlikti ámelge asıradı, hár bir studentke olardıń qızıǵıwshılıǵı, qálewi hám mútajligine kóre bólek itibar qaratıladı. Progressiv tálimde professor-oqıtıwshılar studentlerge oylaw hám pikirlewdi úyretiwi kerek. Studentler oqıw mazmunın tek eslep qalıwı emes, bálkim logikalıq pikirlewi talap etiledi. Studentler ámeliy iskerlikke jóneltiriledi. Olar óz bilim hám ilimiy tájiriybelerin hár qıylı ilaj hám ámeliy shınıǵıwlarda kórsetedi. Bilimlendiriwge tiyisli jaǵdaylardı ǵárezsiz atqarıp, sheriklikte saxnalastırıladı, quwırshaq teatrı ılajları shólkemlestiriledi. Tájiriybe-sınaw dáwirinde studentler kreativ jantasqan halda oqıw tapsırmaların atqardı.
1, 2-basqısh studentleri menen tájiriybe-sınaw dáwirinde psixolog alım Nyutten Jozef tárepinen jaratılǵan Motivacion induksiya metodı “MIM”dan paydalanıldı.