Masharipova barno erkin qizi

Shınıǵıwdıń barısı: Lekciya shınıǵıwı “Ideyalar matricası” metodı tiykarında ótkerildi. Metodtı qollaw arqalı studentler 2 basqıshda óz ideya hám pikirlerin jıynadı.
1-basqısh. Tómende keltirilgen sorawlarǵa barlıq studentler individual tárizde óz pikirlerin aytadı.

1. 
   Bolajaq pedagoglar retinde balalarda kórkem-dóretiwshilik qábiletlerdi qanday qáliplestiresiz?
   
2. 
   Quwırshaq teatrı personajların kórkem-dóretiwshilik qábiletti qáliplestiriwde qanday tásiri bolıwı múmkin?
   
3. 
   Keleshekte kórkem-dóretiwshilik qábiletlerdi qáliplestiriwde ata-analar menen qanday islerdi ámelge asırasız?
   
4. 
   Quwırshaq teatrı personajların nelerden soǵıw múmkin?
   
5. 
   Quwırshaq soǵıw processinde qanday resurs hám qurallardan paydalanıw múmkin?
   

2-basqısh. Ideyalardı tańlap alıw. Studentler jazǵan ideyaların tómende keltirilgen tártipte tańlaydı.

1. 
   Ideyalardı toltırıw, tártipke salıw, quramalastırıw hám jańasha jantasıw;
   
2. 
   Almastırıw, qosımshalar qosıw, maslastırıw hám ideyalardı ózlestiriw;
   
3. 
   Ideyalardı optimallastırıw, qayta islew hám tuwrılaw.
   
4. 
   Pikir hám ideyalardı keńeytiw. Joqarı hám minimal dárejede orınlaw;
   

Studentler barlıq ideyalardı tártipke alıp kelgenlerinen keyin aldına qoyǵan maqsettiń ámelge asıwı nátiyjeli keshedi.
1, 2-basqısh studentleri menen “Balalardı saxnalastırıw hám dóretiwshilik iskerlikke úyretiw pániniń maqset hám wazıypaları” temasındaǵı lekciya shınıǵıwı “Press-konferensiya” formasında ótkerildi.

1. 
   Tayarlıq basqıshı. Studentler ǵárezsiz túrde zárúr maǵlıwmatlardı jıynaydı. Mısal hám úlgiler tabadı. Maǵlıwmatlardı bayanlaw formasın oylaydı. Studentler barlıq tema boyınsha oqıw maǵlıwmatların biliwi kerek. Ulıwmalastırıw kónlikpesine iye bolıwı kerek. Studentler arasınan “Baslawshı” saylanadı. Talqılanıp atırǵan temanı logikalıq jaqtan hám tiykarlı juwaplar menen óz kózqarasları tiykarında aytadı. Hár qanday jaǵdayda berilip atırǵan túrli sorawlarǵa juwap taba alıwǵa tayın bolıwı zárúr. Press-konferensiya qatnasıwshıları quramınan “Qánige” roline “Mektepke shekemgi tálim” kafedrası oqıtıwshıları hám aktiv studentler usınıs etiledi. Temanı unamlı hám unamsız tárepleri talqılanadı. Talqılaw sońında jańa usınıslar beriledi. Qalǵan studentler túrli kórsetiw hám jurnallardaǵı jurnalist rolin atqaradı. Olar qızıqlı hám mashqalalı sorawlar tayarlawı kerek.
   
2.