Masharipova barno erkin qizi

2-basqısh. Oqıw processinde studentlerde oqıw maǵlıwmatlarına sáykes túrde usıl, forma hám qurallardı tańlaw kónlikpesi qáliplestirildi. Bunda pedagogikalıq improvizaciya múmkinshiliklerinen paydalanıw, balalardıń jasına, individual ózgesheliklerine tán usıl hám qurallardı tuwrı tańlaw boyınsha usınıslar berildi.
3-basqısh. Bolajaq tárbiyashı-pedagoglarǵa mektepke shekemgi tálim shólkeminde saxnalastırıw hám dóretiwshilik iskerlikti shólkemlestiriwlerinde tárbiyalıq táreplerine itibar qaratıw, balalardı ruwxıy tárbiyalaw hám de izleniwsheńlikke úyretiw sıyaqlı wazıypalardı orınlaw zárúrligi haqqında túsinikler berildi.
4-basqısh. Studentler menen “Dóretiwshi student”, “Sheber qol”, “Pedagogikalıq ustaxana” sıyaqlı temalarda tańlaw hám master-klass, jarıslar shólkemlestirildi.
Sonıń menen birge, bolajaq tárbiyashı-pedagoglarda kásiplik motivaciyanı qáliplestiriwde kompetensiyalıq, aksiologiyalıq, shaxsqa jóneltirilgen, sistemalılıq, sheriklik sıyaqlı principlerge tayanıldı.
Kompetensiyalıq principke kóre studentler taraw boyınsha alǵan bilim, kónlikpe, ilimiy tájriybelerin ámeliyatta qollawda óz tájiriybelerin kórsetti. Yaǵnıy “BSDIÚ” oqıw modulın oqıtıw processinde studentler ámeliy háreketti orınlaw, dóretiwshilik jantasıwǵa jóneltirildi.
Aksiologiyalıq principke kóre studentlerde insanıylıq qádiriyatlar óz-ózin hám ózgelerdi, tárbiylanıwshılar, kásipleslerdi húrmet qılıw, kásipti izzetlew hám qádirlew, tárbiyashı-pedagog imidjin saqlaw sıyaqlı pazıyletler qáliplestiriliwine itibar qaratıldı.
Shaxsqa jóneltirilgen principke kóre student shaxsına húrmet penen múnásibette bolıw, onıń qızıǵıwshılıǵı hám umtılıwın inabatqa alıw, shınıǵıwlardı shólkemlestiriwde mútajliklerine kóre bilimlendiriwge tiyisli jaǵdaylar jaratıw názerde tutıldı. Oqıw shınıǵıwlarında pedocentrizm jantasıwına baslı másele etip berildi. Oqıw procesi maydanında student shaxsı xızmet kórsetiwine múmkinshilik berildi.
Sistemalılıq principine kóre studentler tárepinen “BSDIÚ” oqıw modulı boyınsha ózlestirilgen bilimler sistemalı hám ajıralmas túrde bekkemlendi. Bunda oqıw shınıǵıwınıń hár bir basqıshı arnawlı bir wazıypanı tolıq atqarıw ushın anıq izbe-izlilikte, belgilengen waqıt aralıǵında, aldınan tayarlanǵan qurallar járdeminde oqıtıwshı tárepinen saylanǵan usıllardı qollaw arqalı studentlerdiń xızmetlerin nátiyjeli shólkemlestiriw bolıp tabıladı. Shınıǵıwdıń hár bir basqıshı keyingi basqıshtıń dáslepki qádemi esaplanadı. Olar bir-birlerin tap saat mexanizmi sıyaqlı jetekleydi. Yaǵnıy barlıq temalar óz-ara sáykeslesken halda oqıtıwshılar tárepinen beriledi. Bul proceste studentlerdi ózlestirmew sebepleri de itibarǵa alındı, olar ushın sabaqtan tısqarı waqıtta individual formada maǵlıwmatlar berildi.
Sheriklik principine kóre studentlerdiń mashqalanı sheshiwde óz-ara birgelikte háreket etiwi, student-student, student-oqıtıwshı múnásibeti bilimlendiriwge tiyisli process orayında bolıwına ámel etildi. Studentler berilgen oqıw tapsırmaların óz-ara sheriklikte ámelge asırdı, bul bolsa olar ortasında dos sıpatında múnásibet ornatılıwına múmkinshilik jarattı. Olar bir-birin psixikalıq bilip shınıǵıw processinde birgelikte isledi.
Izertlewde bolajaq tárbiyashı-pedagoglarda kásiplik motivaciya tómendegi faktorlar tásirinde qáliplesiwi baqlandı hám tiykarlandı. Bular tómendegiler:
- pedagogika joqarı tálimde jaratılǵan innovaciyalıq informaciya ortalıǵı (studentlerdiń informaciya alıw hám uzatıw múmkinshilikleri, jańalıqqa shaqırıwshı oqıw seminarı, vebinar, ilajlar, ashıq sabaqlar ) jaratılǵanlıǵı ;
- oqıw iskerligi (studentlerdiń ǵárezsizlik, sheriklik hám jeke mútajliklerin itibarǵa alıw ) in nátiyjeli shólkemlestiriw;
- studenttiń individual hám jeke sapaları (qızıǵıwshılıǵı, qábileti, qálew-tilekleri) ın inabatqa alıw ;
- professor-oqıtıwshılar, toparlaslar, ata-analar, tayanısh mektepke shekemgi tálim shólkemi tárbiyashılarınıń tásiri (studentler menen kásiplik iskerlik boyınsha óz-ara tartıs hám keleshek jobaları haqqında sáwbetler shólkemlestiriw);
- JOOnıń materiallıq texnikalıq bazası, “BSDIÚ” pánine tiyisli oqıw qollanbalardıń (saxnalastırıw iskerligine tiyisli pánlerdi oqıtıwda óz-ara ajıralmas bir-birin tolıq múnásibettegi pán programması, sabaqlıq, qollanba, jumısshı oqıw jobalardıń bar ekenligi hám de olardıń islew metodikasına ámel etiliwi) bar ekenligi;
- Ushırasıw, sáwbetler ótkeriw (aymaqtaǵı mektepke shekemgi bilimlendiriw shólkemleriniń aldıńǵı tájiriybeli tárbiyashıları menen sheriklikte ámelge asırıw).
Sanap ótilgen faktorlar bolajaq tárbiyashı-pedagoglarda jaqın hám uzaq múddetke mólsherlengen pedagogikalıq iskerlik maqsetin belgilew, kásiplik qádiriyatlardı anıqlaw, pedagogikalıq jaǵdaydı túsiniw hám bahalaw, pedagog imidjin iyelew, informaciya quralları járdeminde islew, tárbiylanıwshılarǵa tásir kórsetiw hám pedagogikalıq jámáát aǵzaları menen múnásibette aktiv bolıw kónlikpelerin qáliplestiriwde de tikkeley tásir múmkinshiliklerine iye.