Masharipova barno erkin qizi

1-topar. Video formasında dóretiwshilik iskerlikke úyretiw pániniń wazıypası kórsetiledi. Yaǵnıy mektepke shekemgi bilimlendiriw shólkeminde balalardı qol hám kórkem miynet; dóretiwshilik kórgizbeler; oyınlar ushın atributlar soǵıw ; qaǵaz hám karton sıyaqlı materiallardıń qásiyetleri; miynet qılıw mádeniyatı súwretleri kórsetiledi.
2-topar. Skraybing formasında dóretiwshilik iskerlik tarmaqları súwret hám belgiler formasında súwretlenedi.
3-topar. Infografika formasında studentler buyımlardı tayarlaw procesin joybarlaw, ónimdi únemlew, buyımlar eskizi hám súwretin sızıw, buyım soǵıw ushın ásbaplar, kórkem talǵamların qáliplestiriw, waqıtın únemlew sıyaqlılar ańlatıladı.
Barlıq topar studentleri tayarlanǵan vizual suwretlerdiń barlıǵın kórsetkenlerinen keyin analiz ótkeriledi. Tamasha etilgen maǵlıwmatlar haqqında óz-ara soraw-juwap formasında talqılanadı.
Sabaq juwmaǵında eń jaqsı maǵlıwmat tayarlaǵan toparlar xoshametlenedi.
“BSDIÚ” oqıw modulı juwmaǵında 1, 2-basqısh studentleri menen “Bes barmaq” metodı qollanıldı. “Bes barmaq” metodında studentler ózlerin bahalaydı, analiz etedi hám qadaǵalaydı.
Maqset: Studentlerdi “Balalardı saxnalastırıw hám dóretiwshilik iskerlikke úyretiw” páni boyınsha ózlestirgen bilim hám kónlikpelerin bekkemlew. Usı metod arqalı studentler ózin-ózin baqlaw hám de ańlawdı úyrenedi. Hár bir shaxsta óz-ózin ańlawdıń úsh jolı bar, yaǵnıy olar:

1. 
   Ózgeler pikirin bahalaw;
   
2. 
   Social salıstırıw, ózin basqalar menen salıstırıw;
   
3. 
   Men házir qandayman hám keleshekte kásibim boyınsha qanday iskerlik júrǵizemen?
   

Bas barmaq. Men búgin tárbiyashılıq kásibi boyınsha neni ózlestirdim? Men ushın zárúrli jańalıq...
Kórsetkish barmaq. Búgin sabaq processinde kimge qanday járdem kórsettim? Kimdi kewilli ettim?
Orta barmaq. Búgin sabaqta meniń keypiyatım.... boldı. Sebebi....
Shúldir barmaq. Maqsetke erisiw. Búgin ne qıldım hám nege eristim?