Masharipova barno erkin qizi

Bolajaq tárbiyashı-pedagoglarda kásiplik motivaciyanı qáliplestiriw natiyjeliligin anıqlaw kriteriyaları hám kórsetkishleri

№	KRITERIYALAR	KÓRSETKISHLER
1	Pedagogikalıq iskerlikte innovacion texnologiyalardı qollay alıwı	studentlerde motivaciya formaları hám motivleriniń ózgerip barıwı; - bilim alıwǵa jeke umtılıwı; - mashqalanı ǵárezsiz sheshe alıwı; - lekciya hám ámeliy sabaqlarda integracion jantasıwı; - saxnalastırıw iskerligine tiyisli tájiriybelerdi iyelewi.
2	Tálim-tárbiya procesiniń strukturalıq bólimlerin biliwi.	- oqıw ortalıǵında aktiv orientr ala biliwi; - tálim procesi mazmunın belgilewde qatnasıwı; - jeke poziciyasına iye ekenligi; - ǵárezsiz tálim alıw konlikpesi; - teńlesleri menen óz ara kirisiwi.
3	Kreativlikti kórsete alıwı	- óz iskerligine sanalı múnásibet hám óz missiyasın seziwi; - maqsetin durıs qoya alıwı; - ozin baqlaw hám rawajlandırıwı; -tabıslı iskerlik alıp barıw kriteryaların ǵárezsiz belgiley alıwı; -tálim processindegi ózgeris hám innovaciyalardı analiz etiwi hám túsiniwi.
4	Kásiplik iskerlik strategiyası hám taktikasın tańlay alıwı.	-óz iskerliginen qanaatlanıwı; - pedagogikalıq iskerligin boljaw ete alıwı; -ózin bahalaw kónlikpesine iye ekenligi; - kásiplik iskerlikke motivacion tayınlıǵı; - kerek jaǵdaylarda óz iskerligin operativ ózgerte alıwı (improvizaciya)
5	Kásiplik baǵdarlanǵanlıq hám uqıptıń rawajlanǵanlıǵı	- túrli sırtqı dereklerden alınǵan iskerligine tiyisli informaciyalardı tańlay alıwı; -óz ideyaların ayta alıwı; -kreativligi hám keleshektegi iskerligin joybarlay alıwı ; -ózlestiriwindegi unamlı dinamikanıń barlıǵı; - saxnalastırıw hám dóretiwshilik iskerlikke tiyisli jańalıqlardı ózlestiriwi.

Solay eken, bolajaq tárbiyashı-pedagoglarda kásiplik motivaciyanı qáliplestiriwge qaratılǵan “BSDIÚ” oqıw qollanbasında belgilengen temalardı ózlestiriw olarǵa saxnalastırıw hám syujetli rolli oraydaǵı processti nátiyjeli ámelge asırıwlarına múmkinshilik jaratadı. Oqıw-tárbiyalıq processti shólkemlestiriw hám de tálim mazmunın modernizaciyalawda joqarı tálim hám mektepke shekemgi tálim sistemasınıń metodikalıq xızmet strukturaları, studentlerdiń ǵárezsiz tálimi sonıń menen birge óz-ózin rawajlandırıwdıń tıǵız baylanıslılıǵı hám de bekkem baylanısın támiyinlew zárúr boladı.
Juwmaq retinde sonı atap ótiw kerek, bolajaq tárbiyashı-pedagoglarda kásiplik motivaciyanı qáliplestiriwde tiykarǵı motivler taypasına oqıw-biliw procesi, yaǵnıy bilim alıwǵa qızıǵıwshılıq hám qánigelikke umtılıw (tárbiyashılıq tarawın jaqsı iyelew) qálewi kiredi.
Izertlewimiz nátiyjelerine tiykarlanıp, studentlerde tálim alıw, kásiplik motivaciyanı qáliplestiriw ushın tómendegi metodikalıq usınıslardı keltiremiz:
1) oqıw processinde tabıslı jaǵday jaratıw hám de oqıw materiallarınıń studentlerdi intellektuallıq tárepten rawajlandırıwǵa qaratılǵanlıǵı;
2) tálim alıwshılarǵa oqıw tapsırmaların differenciallastırıw;
3) talabalardıń aktiv dóretiwshilik izleniwshiligin talap etiwshi soraw hám tapsırmalardan paydalanıw;
4) talabalardı ámeliy sabaq hám qaniygelik ámeliyat dáwirinde keleshektegi qánigelik tarawına sáykes oqıw tapsırmaların orınlawǵa jóneltiriw;
5) professor-oqıtıwshılardıń lekciya hám ámeliy sabaqlarda studentler keleshektegi pedagogikalıq iskerligin oyda sawlelendiriwge tiyisli mısal hám úlgi elementlerinen kóbirek paydalanıwı (mısalı : iskerlik oyınları, rolli oyın hám shınıǵıwlar);
6 ) tálim alıwshılardıń joqarı tálim shólkeminiń social-materiallıq turmısında aktiv qatnasıwın támiyinlew;
7) tálim-tárbiyalıq proceste shaxsqa baǵdarlanǵan hám sheriklik strategiyalarınan paydalanıw arqalı kásiplik óz-ózin biliwlerine múmkinshilik beriw;
8) kásiplik kompetensiya elementleri (mashqalalı jaǵdaylardan shıǵıw, tálim ortalıǵın innovciyalıq jantasqan halda jaratıw, balalar psixologiyası hám mektepke shekemgi pedagogika pánlerin puqta biliw) in qáliplestiriw hám bekkemlew;
9 ) talabalardı kásiplik pedagogikalıq processke ruwxıy-psixikalıq hám intellektuallıq tárepten tayarlawǵa jóneltirilgen oqıw tapsırmaları hám ǵárezsiz temalar bazasın keńeytiw;
10 ) talabalardıń tárbiyashılıq kásibine qızıǵıwshılıǵın asıratuǵın dóretiwshilik hám sın kózqarastan oylawdı rawajlandırıwǵa qaratılǵan videofilmlardan paydalanıw hám de vebinar-seminarlar shólkemlestiriw.
Keltirilgen usınıslardan tısqarı joqarı pedagogikalıq tálimde “Keleshek tárbiyashısı”, “Zamanagóy tárbiyashı imidji”, “Meniń oyımdaǵı mektepke shekemgi bilimlendiriw shólkemi”, “Dóretiwshilik jumıslar kórgizbesi”, “Sheber qol” sıyaqlı temalarında kórik tańlawlar, sáwbet hám debatlar shólkemlestiriw maqsetke muwapıq bolıp tabıladı.