Masharipova barno erkin qizi

Úshinshi bap boyınsha juwmaqlar
Alıp barılǵan tájiriybe-sınaw jumısları tómendegi juwmaqlardı tiykarlawǵa xızmet etti:
1. Izertlewde ilimiy boljaw boyınsha shólkemlestirilgen pedagogikalıq tájiriybe-sınaw jumıslarında tájiriybe toparlarında nátiyjelilik kórsetkishiniń 12,4 % ke asqanlıǵı dissertaciya maqsetiniń tuwrı qoyılǵanlıǵı, islep shıǵılǵan teoriyalıq tiykar hám ilimiy boljawlardıń tuwrılıǵı, onı ámeliyatqa engiziw boyınsha keltirip ótilgen usınıslardıń tıyanaqlı ekenligi, tájiriybe-sınaw processinde qollanǵan metod hám usıllardıń nátiyjeli ekenligin kórsetedi.
2. Ámeliyatqa qollanılǵan “progressiv tálim”, “sheriklik tálimi”, “rawajlandırıwshı tálim ortalıǵı” sıyaqlı texnologiyalar jardeminde pedagog -tárbiyashılarda kásiplik motivaciyanı rawajlandırıwda internal hám eksternal sırtqı kórinisler múmkinshilikleriniń keńligi ilimiy tiykarǵa iye.
3. Bolajaq tárbiyashı-pedagoglarda kásiplik kompetensiyanı qáliplestiriw natiyjeliligi pedagogikalıq uqıp, pedagogikalıq improvizaciya, kásiplik kompetensiya, pedagogikalıq iskerlikti analiz hám sintez ete alıw, refleksiv iskerlik, mashqalalı tapsırmalardı atqara alıwı, zamanagóy texnologiyalardan paydalana alıw sıyaqlı faktorlarǵa baylanıslı.
4. Bolajaq tárbiyashı-pedagoglarda kásiplik motivaciyanı qáliplestiriwge jóneltirilgen pedagogikalıq model ámeliyattan kútiletuǵın nátiyjelerdi joybarlaw olarǵa erisiw jolların tańlawda studentler hám professor-oqıtıwshılar ushın tayanısh resurs bolıp xızmet etedi.
ULÍWMA JUWMAQ HÁM USÍNÍSLAR
“Bolajaq tárbiyashı-pedagoglar kásiplik motivaciyasın qáliplestiriw texnologiyaları (“BSDIÚ” modulın oqıtıw mısalında )” temasındaǵı dissertaciyası boyınsha alıp barılǵan ilimiy izertlew nátiyjelerin ulıwmalastırıw hám de nátiyjelilik nátiyjesin bahalaw arqalı tómendegi juwmaqlar usınıldı:

1. 
   Bolajaq tárbiyashı-pedagoglarda kásiplik motivaciyanı qáliplestiriwdiń ámeldegi teoriyalıq-didaktikalıq támiynatın zamanagóy usıllar, tariyxıy maǵlıwmatlar, xalıq aralıq tájiriybeler jardeminde jetilistiriw arqalı studentlerdi kásiplik, intellektual, etikalıq-estetikalıq hám ruwxıy-psixikalıq tárepten rawajlandırıw bilimlendiriwge tiyisli tárbiyalıq áhmiyetke iye aktual pedagogikalıq mashqala esaplanadı.
   
2. 
   Usı izertlew nátiyjeleri bolajaq tárbiyashı-pedagoglar kásiplik motivaciyasın qáliplestiriwdiń innovciyalıq metodların joqarı hám mektepke shekemgi tálim ámeliyatı mazmunın optimallastırıwǵa qaratılǵan iri ilimiy izertlewler ámelge asırıwda dáslepki ilimiy material retinde fundament wazıypasın atqarıwǵa xızmet etedi.
   
3. 
   Teoriyalıq hám de ámeliy shınıǵıwlar integraciyasın proektlestiriw, motivacion indukciya metodı hám de shaxsqa jóneltirilgen tálimniń bolajaq tárbiyashı-pedagoglarda kásiplik motivaciyanı jetilistiriwde kásiplik motivaciya komponentlerin (motiv, kásiplik mútajlik, kásiplik qızıǵıwshılıq, kásiplik iskerlikke psixoemocional tayarlıq ) garmonikalıq rawajlandırıw zárúrli, jáne bul studentlerdi kásiplik pedagogikalıq iskerlikke tayarlaw mexanizmin kúsheytedi.
   
4. 
   Innovaciyalıq texnologiyalardıń eń tiykarǵı táreplerinen biri student shaxsınıń ishki múmkinshilikleri hám aktivligin kórsetiw, tálim processinde jeke-dóretiwshilik qarasların bildiriw kónlikpeleriniń asıwı, studentlerde usı kónlikpelerdiń qáliplesiwi kásiplik iskerlikke dóretiwshilik jantasıw, tálim ortalıǵına jańalıqlardı qollanıw ilimiy tájriybeleriniń ózlestiriliwine kepillik beredi: olarda pedagogikalıq iskerlikke dóretiwshilik jantasıw hám de átirapdaǵılar menen nátiyjeli baylanısta bolıw ilimiy tájriybesi, óz ústinde islew múmkinshiliklerin asıradı.
   
5. 
   Studentler kásiplik motivaciyasın qáliplestiriwde pedocentrik jantasıw oqıw iskerligin social buyırtpa studentten ne talap etiwine qaray emes, bálkim barlıq studentlerdiń qızıǵıwshılıqları hám mútajliklerine qaray shólkemlestiriliwi tuwrı ekenligin kórsetti. Izertlew nátiyjelerine tiykarlanıp rawajlanıwlandırılǵan bolajaq tárbiyashı-pedagoglarda kásiplik motivaviyanı qáliplestiriw modeli ámeliyattan kútiletuǵın sońǵı nátiyjelerdi kózlew, olarǵa erisiw jolların tańlawda tálim alıwshı hám professor-oqıtıwshılar ushın tayanısh derek bolıp xızmet qıladı.
   
6. 
   Analiz nátiyjeleri bolajaq tárbiyashı-pedagoglarda kásiplik motivaciyanı qáliplestiriwdiń ekstensiv hám intensiv formaları, olarda aktivlik, juwapkershilik, maqsetti tuwrı qoyıw, ózin rawajlandırıw sıyaqlı kásiplik sapalar bilimlendiriwge tiyisli jaǵdayǵa baylanıslı ekenligin kórsetdi hám usınıń sebepinen bolajaq tárbiyashı-pedagoglarda kásiplik motivaciyanı qáliplestiriwdiń túrli formaları, metod hám texnologiyalarınıń muwapıqlıǵına itibar qaratıw maqsetke muwapıq.
   

Magistrlıq dissertaciya boyınsha alıp barılǵan ilimiy-teoriyalıq izertlewler hám tájiriybe-sınaw jumıslarında qollanılǵan metod hám texnologiyalar tiykarında tómendegi usınıslar islep shıǵıldı :
1. Progressiv tálim hám de pedocentrik jantasıwlar tiykarında studentlerde kásiplik motivaciyanı qáliplestiriwdi optimallastırıwda kásiplik motivaciya komponentlerinen paydalanıwdı keń engiziw zárúr.
2. Bolajaq tárbiyashı-pedagoglarda kásiplik motivaciyanı qáliplestiriwde shet el ámeliyatı tiykarında tálim procesine ǵárezsiz pikirlew, sın kózqarastan hám logikalıq oylawdı rawajlandırıwǵa qaratılǵan sanlı hám informaciya kommunikacion texnologiyalar hám de innovaciyalıq jantasıwlardı engiziw talap etiledi.
3. Bolajaq tárbiyashı-pedagoglarda kásiplik motivaciyanı qáliplestiriw natiyjeliligin asırıwda “Modullı mektepke shekemgi tálim laboratoriya”sı múmkinshiliklerin keńeytiw zárúr.
4. Bolajaq tárbiyashılar iskerligine qoyılatuǵın zamanagóy talaplar quramına koorporativ sheriklikte islew kompetensiyasın kirgiziw kerek.