Masharipova barno erkin qizi

3. 2-§. Tájiriybe-sınaw jumısları nátiyjeleri hám analizi

Izertlewimizdiń tájiriybe-sınaw dáwirinde “BSDIÚ” oqıw modulın oqıtıwda bolajaq tárbiyashı-pedagoglar kásiplik motivaciyasın qáliplestiriwdiń pedagogikalıq-psixologiyalıq tárepleri, shaxsqa baǵdarlanǵan hám sheriklik texnologiyaları tiykarında oqıw iskerligin shólkemlestiriw, ózlestirilgen bilim hám kompetensiyalardı ámeliyatqa engiziwde, studentlerdiń kásiplik rawajlanıwda ilimiy-metodikalıq gúzetiwdi shólkemlestiriw, didaktikalıq sistema múmkinshilikleri hám keleshektegi kásiplik iskerlik ushın joybar dúziwge tiyisli usınıslar berildi.

“BSDIÚ” oqıw modulın oqıtıwda bolajaq tárbiyashı-pedagoglar motivaciyasın asırıw nátiyjesinde olarda keleshekte pedagogikalıq iskerlik shólkemlestiriwge tiyisli ámeliy kónlikpe, tájiriybeler refleksiv iskerliginiń rawajlanıw dinamikası gúzetildi.
Studentlerde kásiplik motivaciyanı qálipleskenligin bahalaw kórsetkishleri

1. 
   2. 1-keste
   

Bahalaw kriteriyası	Kórsetkishlernıń atqarılıw sanı
Joqarı	tórt-besewin atqarsa
Orta	Úsh-tórtewin atqarsa
Tómen	eki-úshewin atqarsa

Tájiriybe-sınaw nátiyjeleriniń isenimliligi hám izertlew jumısında aldınǵı boljawlardıń natiyjeliligin tastıyıqlaw ushın tańlaǵan joqarı tálim shólkemlerinde anketa sorawları, ámeliy tapsırma, test sınaqları ótkerildi hám de matematikalıq -statistikalıq usıl tiykarında analiz etildi.
Alıp barılǵan izertlew nátiyjeleri biz alǵa súrgen ilimiy boljawdıń tıyanaqlı ekenligin kórsetti. Bolajaq tárbiyashı-pedagoglar kásiplik motivaciyasın qálipleskenlik kórsetkishleri, ámeliy shınıǵıw hám qaniygelik ámeliyat dáwirinde berilgen tapsırmalardı sapalı atqara alıw, bilim, kónlikpe hám ilimiy tájriybelerin zárúr jaǵdaylarda erkin kórsetiw hám de saxnalastırıw hám dóretiwshilik iskerlikke tiyisli ámeliy kónlikpelerge iye ekenligi sapa tárepten unamlı tárepke ózgerdi. Ámeliyatqa engizilgen zamanagóy texnologiyalar, “BSDIÚ” modulı boyınsha oqıw tapsırmalardı orınlaw studentlerde kásiplik iskerlikke umtılıw hám motivaciyanı jáne de asırdı. Ásirese, lekciya hám ámeliy shınıǵıwlarda pedocentrik hám progressiv tálim, shaxsqa jóneltirilgen tálim jantasıwın sistemalı alıp barılıwı bolajaq tárbiyashı-pedagoglarda kásiplik kompetensiyanı qáliplesiwine de orın jarattı. Atap aytqanda, studentlerdi kásiplik pedagogikalıq iskerlikke tayarlaw jámiyettiń social buyırtpası retinde joqarı tálimde oqıw-tárbiya procesin nátiyjeli shólkemlestiriwdi talap etedi. Sol tárepten biz tárepimizden rawajlandırılǵan “Bolajaq tárbiyashı-pedagoglarda kásiplik motivaciyanı qáliplestiriwge jóneltirilgen pedagogikalıq model” hám de kásiplik motivaciyanı qáliplestiriw mexanizmleri hám didaktikalıq sisteması óziniń turmıslıq, puqta hám óz-ara baylanıslı wazıypalardı ańlatıwı menen natiyjeli bolıp tabıladı, degen juwmaqqa keliw múmkin.