9-bob. O‘zbekiston Respublikasining fuqaro va davlat aviatsiyasida ariza beruvchilar faoliyatini nazorat qilish
56. Ushbu Nizomda belgilangan talablarning bajarilishini fuqaro aviatsiyasida Agentlik, davlat aviatsiyasida — O‘zbekiston Respublikasi Mudofaa vazirligi nazorat qiladi.
57. Fuqaro aviatsiyasining uchuvchisiz uchadigan apparatlaridan foydalanadigan ariza beruvchilar faoliyati inspeksiya tekshiruvlari shaklida nazorat qilinadi. Inspeksiya tekshiruvi natijalari hisobot shaklida qayd etiladi.
58. Fuqaro aviatsiyasining uchuvchisiz uchadigan apparatlaridan foydalanadigan ariza beruvchilarni inspeksiya tekshiruvlari ikki yilda kamida bir marta amalga oshiriladi.
59. Fuqaro aviatsiyasining uchuvchisiz uchadigan apparatlaridan foydalanadigan ariza beruvchilar tomonidan ushbu Nizom talablari buzilganda, Agentlik ushbu qoidabuzarliklarni o‘z vaqtida bartaraf etish zarurligi to‘g‘risida ogohlantirishi huquqiga ega.
Do'stlaringiz bilan baham: |
