Давлат фармакопеяси - фармакопея мақолалари, умумий физикавий-кимёвий, кимёвий ва биологик таҳлил усуллари, қўлланиладиган реактивлар, титрланган эритмалар, индикаторлар ва дори воситаларига бўлган умумий талаблар ва меъёрий ҳужжатлар ҳақидаги маълумотлар тўплами бўлиб, қонуний мақомга эга бўлган ҳужжат.
Умумий фармакопея мақоласи - Дори шаклига қўйилган асосий талабларни ўз ичига олган ёки назоратнинг стандарт усуллари тасвирланган давлат сифат стандарти.
Фармакопея мақоласи (ФМ) - ЎзР ССВДВТТСНК Бош бошқармасининг фармакопея қўмитаси томонидан тасдиқланган, кенг миқёсда ишлаб чиқариладиган ДВлар учун давлат сифат стандарти. Фармакопея мақоласининг амал қилиш муддати 5 йил бўлиб, бу муддат ўтгач ФМ қайта кўрилиб, амал қилиш муддати кейинги муддатга узайтириб берилади.
Вақтинчалик фармакопея мақоласи (ВФМ) - кенг миқёсда ишлаб чиқариладиган янги дори воситалари ва доривор ўсимлик хом ашёсининг дастлабки туркуми учун тузилган, ЎРССВДВТТСНК Бош бошқармасининг фармакопея қўмитаси томонидан тасдиқланган Давлат сифат стандартидир. Амал қилиш муддати 3 йил бўлиб, бу муддатдан сўнг ВФМ қайта кўриб чиқилади ва ФМ тарзида рўйхатдан ўтказилади.
Корхона фармакопея мақоласи, КФМ (ФСП) - айрим корхона технологияси ва дори воситасининг аниқ таркиби ҳисобга олинган ҳолда дори воситасининг сифатини назорат қилиш усуллари ва кўрсаткичлардан иборат бўлган, фармакопея қўмитаси томонидан тасдиқланган сифат стандарти.
Дори воситалари ва тиббий буюмларининг Давлат реестри - тиббиет амалиётида ишлатиш учун рухсат этилган дори воситалари ва тиббиёт буюмлари рўйхатидан иборат расмий ҳужжат.
Махаллий фармацевтика корхоналарини қўллаб қувватлаш борасида: - йилнинг хар чорагида Ўзбекистон Республикаси махаллий корхоналари томонидан ишлаб чиқарилаётган дори воситаларининг нархлар реестри нашр этилади.
I – guruh vazifasi
Do'stlaringiz bilan baham: |
