Mavzu: Kontaktli o‘t oldirish tizimining ishlash prinsipi. Afzallik va kamchiliklari. Kontaktli o‘t oldirish tizimining tavsifnomasi. Reja

Mavzu: Kontaktli o‘t oldirish tizimining ishlash prinsipi. Afzallik va kamchiliklari. Kontaktli o‘t oldirish tizimining tavsifnomasi.

Reja:

1. 
   O‘t oldirish tizimlari haqida umumiy ma’lumotlar.
   
2. 
   Kontaktli o‘t oldirish tizimi.
   
3. 
   O‘t oldirish tizimlariga qo‘yiladigan asosiy talablar.
   
4. 
   Xulosa.
   
5. 
   Foydalanilgan adabiyotlar.
   

O‘t oldirish tizimlari haqida umumiy ma’lumotlar.
O‘t oldirish tizimi benzinli dvigatellarda ishchi aralashmani silindrlarning ish tartibiga ko‘ra ishonchli va o‘z vaqtida o‘t oldirib yuborish uchun xizmat qiladi.
Ishchi aralashma o‘t oldirish sham elektrodlari orasidagi havoli tirqishda sodir bo‘ladigan yuqori kuchlanishli elektr razryad natijasida yuzaga keladigan uchqun ta’sirida o‘t oldiriladi.
O‘t oldirish tizimi, benzinli motorning silindrlarida yonilg‘i-havo aralashmasini silindrlarning ishlash tartibiga mos ravishda, o‘z vaqtida va ishonchli o‘t oldirish uchun xizmat qiladi. Ishchi aralashmani o‘t oldirish, har bir silindrning yonish kamerasiga o‘rnatilgan o‘t oldirish shami elektrodlari orasidagi elektr razryad natijasida hosil bo‘ladigan uchqun vositasi bilan amalga oshiriladi. O‘t oldirish shamlarining elektrodlari orasida uchqun hosil bo‘lishi, ularga uzatilgan yuqori kuchlanish (12000 V) ta’sirida sodir bo‘ladi. Ishchi aralashmani ishonchli o‘t oldirish uchun o‘t oldirish sham elektrodlari orasidagi uchqunli razryad etarli energiyaga ega bo‘lishi zarur. Hozirgi zamon dvigatellarida uchqunli razryad energiyasi 20-100 mJ ni tashkil qiladi va u dvigatelni hamma ish rejimlarda me’yorida ishlashini ta’minlaydi.
Benzinli motorga ega bo‘lgan avtomobillarda, akkumulatorlar batareyasi yoki generatorning past kuchlanishini elektr razryad hosil bo‘lishi uchun etarli bo‘lgan qiymatga ko‘tarish va uni kerakli daqiqada taalluqli silindrning o‘t oldirish shamiga uzatish imkoniyatini beruvchi turli xil o‘t oldirish sistemalari ishlatiladi. Bu sistemalar uchqunli razryad uchun zarur energiyani bevosita akkumulator yoki generatordan emas, balki oraliq energiya to‘plagichdan oladi. To‘plagich turiga qarab o‘t oldirish sistemalari ikkiga bo‘linadi:

• 
  energiyani magnit maydonda (induktivlikda) to‘plash;
  
• 
  energiyani elektr maydonda (sig‘imda) to‘plash.
  

Avtomobil dvigatellarida, aksariyat holda, energiyani induktiv g‘altakning magnit maydonida to‘plash asosida ishlaydigan o‘t oldirish sistemalari tatbiq topgan bo‘lib, ularning quyidagi turlari mavjud:
- kontaktli;
- kontakt-tranzistorli;
- kontaktsiz-tranzistorli;
- mikroprotsessor boshqaruvli.