Мавзу. Маҳсулот сифатини акустик назорат қилиш усуллари акустик назорат усуллари таснифи

Акустик назорат аппаратлари классификацияси

Акустик назорат қилиш воситалари электрон блок, акустик блок ёки ўзгартиргич ва қайд қилувчи қурилмалардан ташқил топган назорат-ўлчов аппаратларидан иборатдир.

Ҳозирги вақтда акустик назорат қилиш усулларидан саноатда материалларни технологик ва физик-механик характеристикаларини назорат қилишда, дефектоскопияда, қалинликларини ўлчашда, структоскопияда кенг фойдаланилмоқда.
Касалликларни тасниф қилиш ва даволашни акустик аппаратларисиз тасаввур қилиш мумкин эмас .
Ҳар бир акустик асбобининг функционал схемаси ва конструкцияси-белгиланиши, ўзгартиргич тури, иш режими ва бошқа факторлари билан аниқланади.
Акустик назорат аппаратлари қуйидаги аломатлари билан классификацияланади:

• иш режими бўйича: импульсли, доимий бўлади;

  
  

• белгиланиши бўйича: маҳсус дефектоскоплар, қалинлик ўлчагичлар, структуроскоплар, комплексли ўлчагичлардан иборатдир;

  
  

• ўлчанаётган параметрлар турига қараб: фазометрлар, микросекундомерлар, частота ўлчагичлар, ютилишни ўлчагичлар, акустик-эмиссия ўлчагичларга бўлинади;

  
  

• тўлқинларни киритиш ва қабул қилиш турига қараб: контактсиз, контактли , иммерсион бўлиши мумкин;

  
  

• частота диапазони бўйича: товушли (20 Гц...20 кГц), паст ультратовуш частотали (20...200 кГц), ўрта улътратовуш частотали (0.2...10 МГц), юқори ультратовуш частотали (107...109 Гц), ўта юқори ультратовуш частотали(103 Гц дан юқори) бўлади;

  
  

• индикатор қурилмасининг турига қараб, рақамли осцилографли, механик, телевизион индикаторли, ёруғлик ёки товуш сигнализаторли бўлиши мумкин ;

  
  

• ўзгартиргич турига қараб: пьезоэлектрик, электромагнит-акустик, электромеханик, механик бўлиши мумкин;

  
  

• автоматизациялашиш ва механизациялашиш даржасига қараб: қўл билан, механизациялашган, автоматлаштирилган, ЭҲМ қўлланилган, ҳисоблаш техникаси ва телевизион қурилмаси бирлаштирилган бўлиши мумкин.