Mavzu: Muhammad Yusuf Buxoroni sevgan shoir

Qo’shiq. YOSHLAR MADHIYASI.
Oq yo’rgakka o’ragansan o’zing bizni
Oq yuvib oq taragansan o’zing bizni
Beshigimiz uzra bedor onam bo’lib
Kunimizga yaragaysan o’zing bizni
Fidoying bo’lgaymiz seni O’zbekiston
Hech kimga bermaymiz seni O’zbekiston
Qalqoning bor kim qast qilsa gar joningga
Alpomishlar ruhi yor har o’g’loningga
Asragaymiz giyohing ham gulday o’pib
Yovlar yaqin yo’lolmagay qo’rg’oningga
Adoying bo’lgaymiz seni O’zbekiston
Hech kimga bermaymiz seni O’zbekiston
Tuzing totib unutganlar xor bo’ladi
Ko’zlariga ikki dunyo tor bo’ladi.
Shodon daming ko’rolmagan yurtfurushlar
Bir bir kaft tuprog’ingga zor bo’ladi.
Yoningda turgaymiz seni O’zbekiston
Hech kimga bermaymiz seni O’zbekiston
1-boshlovchi
Afsuski Muhammad Yusufning umri qisqa bo’ldi.
U 2001-yilning 31-iyulida Qoraqalpog’istonning Ellik qal’a tumanida qilingan ijodiy safari chog’ida yuzlab muxlislari qarshisida she’r o’qiyotgan paytida yurak xurujidan vafot etdi.Xuddi Boburdek,Shavkat Rahmondek 47yil umr ko’rdi.
Ol deya bir egam osmonga uchsa ruhlarim
Bir ajib moviy diyor bo’ynini quchsa ruhlarim
Ko’k mening ko’ksim bo’lur
Yulduzlar anduhlarim
Gul o’pib gul yopinib har dilda mozorim qolur
Men ketarman bir kuni navolarim zorim qolur
2-boshlovchi
Har kim vatanimizni o’zicha suyadi, o’zicha ardoqlaydi.Muhammad Yusuf O’zbekistonni bir mehr bilan ifodalaydi.
Onayurtim O’zbekistonim
Poylaringga satqa bu jonim
Dunyolari ichra bu dunyo
O’xshashi yo’q chamanistonim
Yuragimda bir orzu havas
Senga sodiq farzand bo’lsam bas.
Beshigimni tebratgan o’zing
Alla aytib uxlatgan o’zing
Uydan chiqsam ostona hatlab
Har lahzada so’ratgan o’zing
Yuragimda bir orzu havas
Senga sodiq farzand bo’lsam bas.
2-boshlovchi.
Muhammad Yusuf ona zoti,ayol zoti o’yu xayollari teran his eta olgan uning ,,Onamdan xat’’ nomli she’ridagi mana shu misralar hech bir izohga muhtoj emas.
O’g’lim jigar go’sham aytginchi nahot
Achinmaydi joning onang holiga
Meni to’shaklarga mixlab qo’ydi bod
Kelsang bir ko’rsamu o’lsam mayliga
Chakki o’tgan eski tomga o’xshayman
Ko’zimdan yomg’irlar to’kilar tinmay
Bu yorug’ dunyoda bormi bilmayman
O’z o’g’li yo’liga intizor menday
Ey menga ertaklar so’ylagan zamin
Ergashib izingdan qolmasman
O’zgalar nazdida bog’i eramni
Jiydang yaprog’iga olmasman sening
Vatan Qayda bo’lmay sen hamrohimsan
Bobolarim yotar sajdagohimsan