Mavzu. Oilada jismoniy tarbiya

MAVZU. OILADA JISMONIY TARBIYA
REJA:
Kirish
Asosiy qisim
1. Oilada jismoniy tarbiya mazmuni. Oilada jismoniy tarbiyani yo'lga qo'yish.
2. Iqtisodiy tarbiya mamzuni.
3. Oilaning bolalarning iqtisodiy savodxonligini oshirishdagi o'rni.
4. Oilada mehnat tarbiyasi mazmuni.
5. Bolalarni mehnatga o’rgatish shakl va vositalari.
6. Oilada ekologik tarbiya mazmuni. Bolalarda ekologik tarbiyani shakllantirishning shakl va metodlari.
Xulosa
Foydalanilgan adabiyotlar


Kirish
Jismoniy tarbiya mohiyati. Jismoniy tarbiya, shu jumladan muntazam ravishdagi jismoniy mashqlar kishi organizmining har qanday muhitga chidamliligini oshirishga, sog’lig’ini mustahkamlashga, ongli ravishda uzoq umr ko‘rish imkoniyatlarini kuchaytirishga qaratilgan faoliyatdir. Bugungi kunda hukumatimiz bunday muhim omillarni e’tiborga olib qolmasdan, balki ularni muntazam ravishda amalga oshirib borishni davlat siyosati darajasigacha ko‘tarmoqda. Jumladan, «Umid nihollari» (o‘rta umumta’lim o‘quv muassasalari o‘quvchilari uchun), «Barkamol avlod» (o‘rta maxsus, kasb-hunar ta’limi o‘quv muassa­salari o‘quvchilari uchun), «Universiada» (oliy o‘quv yurtlari talabalari uchun) kabi respublika miqyosidagi musobaqalar davlatimiz tomonidan talaba-yoshlarimizning ham jismonan, ham ma’nan yuksakligini o‘ylab qilinayotgan tadbirlardir. Bular orqali yoshlarni bar­kamol shaxs darajasida tarbiyalashga erishamiz va ular yuksak unumli ongli mehnat qilishga tayyor bo’ladi hamda o‘z ona-Vatanini sodiqlik bilan qo‘riqlashdek xislatlarga ega bo’ladi. Yuqorida qayd etilgan tadbirlardan asosiy maqsad - yosh avlodni bolalik chog’ldan boshlab jismoniy jihatdan sog’lom va baquvvat hamda irodali qilib tarbiyalashdan iboratdir.