Agar quvvat olish vali xarakatni traktor transmissiyadan olsa uning xarakati traktor xarakatiga bog‘liq bo‘ladi, ya‘ni traktor to‘xtasa, quvvat olish valining xarakati ham to‘xtaydi. Bunday xarakat berish turi kultivator-o‘g‘itlagich, ma‘danli va mahalliy o‘g‘it sepgichlar kabi qishloq xo‘jaligi mashinalarida qo‘llaniladi.
Bunda xarakat berish quyidagicha amalga oshiriladi: xarakat dvigatel tishlashish muftasining 5 yetaklanuvchi diskasi validan shesternalar 3 orqali tishli mufta 2 qo‘shilganda traktorning quvvat olish valiga 4 uzatiladi. Agar dvigatelning tishlashish muftasi 5 xarakatni uzgan taqdirda bir paytning o‘zida quvvat olish vali va traktor g‘ildiragining xarakatlanishi (traktorning o‘zi ham) to‘xtaydi.
Ko‘pchilik ish mashinalariga (buta kesish mashinasi, o‘t o‘rish mashinasi, suv nasosi va hakozolar) doimiy aylanishli xarakat talab etiladi. Buning uchun quvvat olish vali doimiy aylanadigan (1.7b-rasm) xarakatni bevosita traktor dvigatelidan oladi.
Bu turdagi xarakat berish usulida qavvat olish vali xarakatni tishli mufta 2 qo‘shilganda traktor dvigatelini tirsakli validan tishlashish muftasi 5 va shesternalar 3
orqali oladi. Bunda traktor xarakatdan to‘xtasa ham quvvat olish valining xarakati to‘xtamaydi.
Do'stlaringiz bilan baham: |
