O‘rmon maydonlarini tozalashda keraksiz daraxtlarni kimyoviy preparatlar bilan ishlov berish - resurstejamkor usullardan biri hisoblanadi. Bu usul keraksiz daraxtlarni yonidagi boshqa daraxtlarga ziyon yetkazmasdan yo‘qotish imkonini beradi.
Kimyoviy ishlov berish apparati kerak bo‘lmagan daraxtlarning hayotini to‘xtatish uchun xizmat qiladi, Buning uchun daraxtlarning tanasiga kimyoviy preparatlar bilan ishlov beriladi. Agregat yelkaga osiladigan metall rezervuar bo‘lib, unga qo‘l yordamida ishlatiladigan nasos, nazorat qiluvchi manometr o‘rnatilgan.
Rezervuarga ketma-ket ulangan yumshoq shlang, kran va 4 ta purkagich o‘rnatilgan bo‘lib, rezervuar daraxt tanasiga yetarli kimyoviy preparat dizel yoqilg‘isi bilan aralashtirilgan holda to‘ldiriladi. Rezervuarning ajmi 10 litr, shu jumladan, suyuqlikning ishchi hajmi 5—7 litr. Bir marta to‘ldirilgan rezervuardagi preparat diametri 4—15 sm bo‘lgan 350 tup daraxtga ishlov berishi mumkin.
ID-1 daraxt injektori daraxtlarning tanasini arboritsidlar bilan ishlov berish uchun ishlatiladi. Bundan maqsad ularning hayotiy jarayonini susaytirishdir. U ko‘chma apparat bo‘lib, daraxtning tanasiga zarb bilan urib ineksiyalanadi. Apparat quyidagilardan tashkil topgan: pichoq, tsilindr, porshen, boshqaruv gaykalari, ikkita prujina, klapanlar, ballon. Injektorning massasi 4,8 kg (ishchi yeritmasi bilan), ish unumdorligi bir soatda 190 tagacha daraxtlarga ishlov beradi.
Do'stlaringiz bilan baham: |
