Mavzu: “O‘zbek tilining sohada qo‘llanishi” fanini o‘qitishning maqsad va vazifalar. Tilning boshqa fanlar bilan aloqasi. Til va tafakkur. Til va ma’naviyat. Davlat tili tushunchasi. O‘zbek tili va davlat qonunlari

O‘z-o‘zini nazorat qilish, muhokama uchun savol va topshiriqlar
1-topshiriq. “Soha” so‘ziga sinkveyn tuzing.
“SINKVEYN” (5 qator) texnikasi
Maqsad – kategoriyaga tavsif berish
1-qator – tushuncha - ot
2-qator –2 so‘zdan iborat sifat
3-qator –3 so‘zdan iborat fe’l
4-qator –4 so‘zdan iborat munosabat
5-qator –1 so‘zdan iborat sinonim







ADABIYOTLAR
1-mashq. Matnni o‘qing. Bugungi ijtimoiy hayotimiz va unda ona tili­ning tutgan o‘rni haqida fikr yuriting. Tilning jamiyat va shaxs takomilidagi o‘rnini belgilang.
ISTIQLOLIM — ISTIQBOLIM
1991-yilning 31-avgust kuni Toshkentda Respublika Oliy Kengashining navbatdan tashqari sessiyasi bo‘lib o‘tdi. Unda O‘zbekistonning Davlat Mustaqilligi e’lon qilindi. Tegishli qarorga muvofiq O‘zbekiston SSR O‘zbekiston Respublikasi deb qayta nomlandi. 1-sentabr Mustaqillik kuni deb e’tirof etildi.
Bu kunni tarixga oltin harflar bilan yozib qo‘ysak arziydi. Negaki, shu kuni o‘zbekning cho‘ng bag‘riga shamol tegdi. Ota-bobolarimizning asriy orzulari ro‘yobga chiqdi. Ona tilimiz va milliy qadriyatlarimizning rivoji, o‘zbek davlatchiligining takomili uchun keng istiqbol yo‘llari ochildi.
O‘tgan yillar mobaynida mustaqilligimiz sharofati bilan o‘z bayrog‘i­mizga, gerbimizga, madhiyamizga ega bo‘ldik. O‘zbekiston BMT va jahondagi bir qator nufuzli tashkilotlarga a’zo bo‘ldi. Shahar va qishloq­larimizning qiyofasi tubdan o‘zgardi. Muhimi, odamlarimizning ma’naviy va maishiy hayotida yangilanish, yasharish davri boshlandi.
Buyuk erk kuychisi Abdulhamid Cho‘lpon:
Turonlik — unvonimiz, turkistonli — shonimiz,
Vatan — bizim jonimiz, fido o‘lsun qonimiz, —
deb yozganida yuz foiz haq edi.
Darhaqiqat, mana shu gullayotgan, yasharayotgan yurt uchun jonimiz nisor. Endi uni hech kimga, hech qachon berib qo‘ymaymiz, chunki biz sherlar o‘lkasi turonlik — turkistonlikmiz.
Gulla, yashna, hur O‘zbekiston!
TOPSHIRIQLAR:

1. 
   Fanning maqsad va vazifalarini o`rganish lozim (konspekt asosida).
   
2. 
   O‘zbekiston Respublikasining Davlat tili haqida Qonun (yangi tahriri)ning mazmun-mohiyatini o`zlashtirish kerak.
   
3. 
   Davlat tili maqomini bilib olishi kerak.
   
4. 
   Mavzu bo`yicha adabiyotlarni qiyosiy o‘rganish kerak.
   
5. 
   Mavzu yuzasidan testlarni ishlash lozim.