Mavzu: Ozuqa aralashmalari tayyorlashni mexanizatsiyalash. Reja

TVK-80B ozuqa tarqatgichi (3.4.5.b-rasm). Bu ozuqa tarqatgichi TVK-80A ozuqa tarqatgichidan ozuqa tarqatuvchi ishchi transportyori bilan farqlanadi. Kurakchali zanjirli transportyorning yarmi lenta bilan almashtirilgan va ozuqa tarqatish faqat transportyorning shu qismi yordamida amalga oshiradi. Bu esa TVK-80B ozuqa tarqatgichi yordamida konsentrlangan ozuqalarni ham tarqatish imkonini beradi, ishqalanish kuchini kamaytiradi, oxurning chekkalarida ozuqa qoldiqlari qolib ketmasligini ta’minlaydi.

• 3.4.3-jadval

• Turg‘un ozuqa tarqatgichlarining texnik tavsifnomalari

Ko‘rsatkichlar	O‘lcho v birligi	Ozuqa tarqatgich rusumlari
		KLO- 75	KLK- 75	TVK-80	TVK-80B
Oxurning maksimal uzunligi	mm	75000	75000	80000	75000
Lentaning kengligi	mm	550	1100	500	500
Lentaning harakatla-nish tezligi: ish yurishida salt yurishida	m/s	0,57 0,78	0,3 0,7...0, 8	0,44 0,44	0,5 0,5
Elektr dvigatelining quvvati	kVt	5,5	5,5	5,6	5,5
Ozuqa tarqatgich massasi	kg	1470	2110	3930	3300

• KLO-75 rusumidagi lentali ozuqa tarqatgich (3.4.6-rasm). Bu ozuqa tarqatgich maydalangan dag‘al, shirali, ildizmevali, konsentrlangan ozuqalar va ularning aralashmasini tarqatish, oxurni uning ichidagi ozuqa qoldiqlaridan tozalash uchun ishlatiladi. KLO-75 motor-reduktor, ikkita baraban, harakatlantirish mexanizmi, ozuqa tarqatuvchi po‘lat lenta, tortuvchi arqon, karetka va ramadan tuzilgan.
• Ozuqa tarqatgichning ish yurishida lentaga RMM-5 yoki KTU-10 ozuqa tarqatgichlari yordamida (bu ozuqa tarqatgichlar bunker va tashlovchi me’yorlagich vazifasini bajaradi) bir me’yorda bunkerli ta’minlagichlardan ozuqa tashlab turiladi. Lentaning yurish yo‘li oxur uzunligiga teng bo‘lib, ozuqa tarqatgichning va ta’minlovchi bunkerning ishlash vaqti avtomatik ravishda boshqariladi. Ozuqa tarqatgichning texnik tavsifnomasi 3.4.3-jadvalda ko‘rsatilgan.

• 3.4.6-rasm. KLO-75 rusumidagi lentali ozuqa tarqatgichi:
• 1-yuritma; 2 - to ‘xtatuvchi mexanizm; 3 - lenta; 4 - aravacha; 5 - tortuvchi tros.

• KLK-75 rusumidagi lentali ozuqa tarqatgich. Bu ozuqa tarqatgich barcha turdagi maydalangan ozuqalarni va ozuqa aralashmalarini ikki tomonlama oziqlantiriladigan oxur ichiga tarqatish uchun xizmat qiladi. KLK-75 ozuqa tarqatgichining tuzilishi va ishlashi KLO-75 ozuqa tarqatgichiga o‘xshash bo‘lib, asosan ozuqa tarqatuvchi po‘lat lentasining kengligi (v=1100 mm) bilan farq qiladi. Ozuqa tarqatgichning texnik tavsifnomasi 3.4.3-jadvalda keltirilgan. KLK-75 ozuqa tarqatgichi maxsus bunker - ta’minlagich yordamida ishlaydi va bir operator tomonidan boshqariladi, unumdorligi KLO-75 ga qaraganda ikki marta katta, ferma binolarida hayvonlarni oziqlantirish uchun kam joy egallaydi va ancha samarador qurilma hisoblanadi.

• Takrorlash uchun savollar

• l.Ozuqalarga ishlov berish usullarini tushuntiring.
• 2. Dag‘al oziqalarga ishlov berish texnologik sxemalarini tushuntiring.
• 3. Fermalarda ozuqa tarqatishning ahamiyati, sinflanishi va qo‘yiladigan asosiy talablarini tushintiring.
• 4. Ko‘chma ozuqa tarqatgichlarni tushintiring.
• 5. Turg‘un ozuqa tarqatgichlarni tushintiring.