Mavzu Qurilishda menejment fanining mohiyati

Mavzu 1. Qurilishda menejment fanining mohiyati
1.Qurilishda menejment fanining predmeti va vazifalari.
2 Fanning o‘rganishning dolzarbligi.
3. Qurilishda menejment fanining boshqa fanlar bilan aloqadorligi.
Bozor iqtisodiyoti sharoitida boshqaruv haqidagi fan juda muhim ahamiyatga ega, chunki ko`p ukladli iqtisodiyotda mulkchilikning turli shakllari mavjud bo`lgan bozor sharoitida har qanday ishlab chiqarish korxonasi rahbari yuqori samaraga erishish uchun boshqaruv strukturasi va boshqaruv samaradorligini optimallashtirishga harakat qiladi. Ishlab chiqarish faoliyatining turli jarayonlarida boshqaruv qarorlari qabul qilish, boshqaruv maqsadlaridan kelib chiqqan holda uning vazifalarini belgilashi va bu vazifalarni boshqaruvning turli bo`g`inlariga oqilona taqsimlashi lozim.
Menejment - bu inglizcha so‘z bo‘lib, ingliz tilining Oksford lug’atida berilgan ta’rifga binoan u:

• 
  boshqaruv xokimiyati va san’ati;
  
• 
  resurslarni boshqarish bo‘yicha a’loxida moxirlik va ma’muriy ko‘nikmalar tushuniladi.
  

Boshqacha so‘z bilan aytganda, menejment-bu boshqaruv, ya’ni resurslarni, odamlarni boshqarish, samarali faoliyat olib borish va foyda olishni bilish, uni ko‘paytirish jarayonidir. SHu nuqtai nazardan boshqaruv - bu o‘ziga xos yuksak sa’nat va maxoratni talab qiluvchi tanlov, shu tanlov asosida qaror qabul qilish va uning bajarilishini nazorat qilishdir.
Bugungi kunda menejment va boshqaruv to‘g’risida quyidagi umum qabul qilingan fikrlar mavjud:

	Yuksak san’at va maxoratni talab qiluvchi tanlov
	Mustaqil fan