Мавзу режаси

3-мавзу. Счётлари тизими ва икки ёклама ёзув
Мавзу режаси:
3.1. Бухгалтерия ҳисобининг счётлари ва унинг тузилиши.
3.2. Иккиёқлама ёзув ва унинг асосланиши.
3.3. Счётларнинг иқтисодий мазмуни бўйича туркумланиши.
3.4. Счетларнинг таркиби ва тайинланиши бўйича туркумланиши.
3.5. Бухгалтерия ҳисобининг счётлар тизими ва унинг аҳамияти.
3.6. Доимий ва вақтинчалик счётлар.
3.7. Актив счётлар тўғрисида тушунча.
3.8. Пассив счётлар тўғрисида тушунча.
3.9. Тартибга солувчи счётлар.
3.10. Балансдан ташқари счётлар.
3.11. Жорий счётлар ва контрар-актив.
3.12. Контрар-пассив счётлар.
3.13. Контрар-пассив счётлар.
3.14. Синтетик ва аналитик счётлар тўғрисида тушунча.
3.15. Транзит счетлари ва уларнинг аҳамияти.
3.16. Икки ёқлама ёзув ва унинг келиб чиқиш тарихи.
3.17. Икки ёқлама ёзув усуллари ва уларнинг қўлланилиш тартиби.
3.18. Хўжалик жараёнларини икки ёқлама ёзув усуллари билан акс эттириш тартиби.
3.19. Оддий бухгалтерия проводкаси.
3.20. Мураккаб бухгалтерия проводкаси.


Таянч иборалари: Счёт, икки ёқлама ёзув, доимий счёт, вақтинчалик счёт, актив счёт, пассив счёт, балансдан ташқари счёт, тартибга солувчи счёт, контрактив счёт, контрпассив счёт, транзит счёт, синтетик счёт, аналитик счёт, оддий проводка, мураккаб проводка.


3.1. Бухгалтерия ҳисобининг счётлари ва унинг тузилиши.
Хўжалик юритувчи субъектлар фаолияти ҳисобини юритиш заруриятида корхонанинг хўжалик жараёнлари натижасида доимо таркибий ва миқдорий жиҳатдан ўзгариб борадиган хўжалик маблағлари ҳақида ҳар доимо маълумотга эга бўлиб туриш талаб этилади. Бу талабни бажариш учун эса хўжалик маблағлари ва уларнинг ташкил топиш манбаларни ҳисобда гуруҳлаб бориш ва тезкор назорат ўрнатиши керак бўлади. Бунинг учун бух­галтерия ҳисоби элементларидан бири счётлар тизимидан фойдаланилади.
Бухгалтерия ҳисобида хўжалик маблағлари ва уларнинг ташкил топиш манбаларининг ҳаракати тўғрисида маълумотга эга бўлиш учун ҳар бир маблағ, манба ва хўжалик жараёнлари алоҳида-алоҳида рақамлар билан белгиланади. Маблағ, манба ва хўжалик жараёнлари учун белгиланган рақамлар бухгалтерия счётлари деб юритилади.