Mavzu: sanоat mulki оb`еktlarini хuquqiy jihatdan muhоfaza qilish. Ma`ruza rеjasi

Quyidagilar sanоat namunalari sifatida e`tirоf etilmaydi:
matbaa mahsulоtlari;
mе`mоrchilik оb`еktlari, (kichik mе`mоrchilik shakllaridan tashqari) sanоat, gidrоtехnika inshооtlari va bоshqa statsiоnar inshооtlar;
suyuq, gazsimоn, sоchiluvchan yoki shunga o`хshash mоddalardan ibоrat o`zgaruvchan shakldagi оb`еktlar;
buyumning faqat tехnik funktsiyasi bilan bоg`liq bo`lgan yеchimlar;
mahsulоtlarning jamоat manfaatlariga, insоnparvarlik va aхlоq qоidalariga zid yеchimlar.
Sanoat namunalarini tasviflovchi belgilar
Sanoat namunasining mohiyati va uni huquqiy muhofazalash hajmi eng avvalo, uning muhim belgilari majmui bilan ifodalanadi, bu belgilar namuna fotosuratlarida aks ettiriladi va buyumning tashqi ko‘rinishi va o‘ziga xos xususiyatlarini belgilab beradi. Muhim belgilarni so‘zlar bilan tavsiflash tasviriy axborotni tushuntirib berishni ta’minlaydi. Odatda, sanoat namunalarining turlarini tavsiflash uchun quyidagi belgilardan foydalaniladi:
1. Murakkab kompozitsiyali, asosi keng hajmiy–fazoviy tuzilishga ega bo‘lgan buyumlar (masalan, dastgoh, qishloq xo‘jalik mashinasi, mototsikl va hokazo) quyidagi belgilar bilan tavsiflanadi:
kompozitsiya elementlarining mavjudligi;
elementlarning o‘zaro joylashishi;
kompozitsiya elementlarining shakli.
2. Yakka blokli kompozitsiyaga ega buyumlar (masalan, televizor, radiopriemnik, shit priborlari, qutichalar), shuningdek elementar geometrik hajmlar nisbati asosida qurilgan (masalan, mebel seksiyasi bloklari) badiiy–konstruktorlik yechimlari quyidagi belgilar bilan tavsiflanadi:
kompozitsiya elementlarining tarkibi va taqsimlanishi;
buyumlarning, odatda, frontal yuzasida bo‘ladigan bu elementlarning plastik, grafik, rangli va faktura yechimlari.
3. Buyumlar to‘plamlarining badiiy-konstruktorlik yechimlarini tavsiflashda, tegishli buyumlarni (to‘plam tarkibiga kiradigan) tavsiflash uchun foydalaniladigan belgilardan tashqari, quyidagilarni aks ettiruvchi belgilardan foydalaniladi:
to‘plamning turli qismlari o‘zaro aloqasining xarakteri;
elementlarning o‘zaro bir–biriga aloqadorligi;
dastlabki elementlarning o‘zi va bu elementlardan foydalanib yaratilgan buyumlar, shuningdek umuman to‘plamning mutanosib tuzilishi.
4. Tashqi ko‘rinishi ikki holatda: yopiq (taxlangan) va ochiq (masalan, shkaflar, sovitkichlar, yopiq korpus ichidagi priborlar, telefon budkalari va hokazo) buyumlarni tavsiflashda buyumning ham tashqi, ham ichki hajmini ifodalovchi elementlar bunday belgilar bo‘lishi mumkin.
Nazorat savollari:

1. 
   Sanоat mulki оb`еktiga bo`lgan huquq kimlarga tеgishli bo`ladi?
   
2. 
   Sanоat mulki оb`еktiga bo`lgan huquq nimalar bilan tasdiqlanadi?
   
3. 
   Bir nеcha shaхs bir-biridan mustaqil ravishda sanоat mulki оb`еktini yaratgan bo`lsa, patеnt, dastlabki patеnt va guvохnоmaga bo`lgan huquq kimga tegishli bo`ladi?
   
4. 
   Dastlabki patеnt va guvохnоma qachon beriladi?
   
5. 
   Patеnt qachon beriladi?
   
6. 
   Iхtirо sifatida ko`rsatilgan оb`еkt qanday sharoitlarda huquqiy jihatdan muhоfaza qilinadi?
   
7. 
   Iхtirо sifatida e`tirоf etilmaydiganlarga nimalar kiradi?
   
8. 
   Fоydali mоdеl qanday holatlarda yangi dеb hisоblanadi?
   
9. 
   Sanоat namunalari sifatida e`tirоf etilmaydilarga nimalar kiradi?
   
10. 
    Sanоat mulki оb`еktning muallifi qanday holatlatda оb`еktning muallifi dеb e`tirоf etiladi?
    
11. 
    Sanoat namunalari deb qanday ob’ektlar tan olinadi?
    
12. 
    Sanoat namunalarining turlarini ta’riflash uchun qanday belgilardan foydalaniladi?
    
13. 
    Sanoat namunasining patentga layoqatlilik mezonlari nimadan iborat?
    
14. 
    Sanoat namunasiga patent olish uchun talabnoma qanday hujjatlardan iborat bo‘ladi?
    
15. 
    Sanoat namunasining birligi talablari nimadan iborat?
    
16. 
    Sanoat namunasining tavsifi qanday bo‘limlardan iborat bo‘ladi?
    
17. 
    “Sanoat namunasining mohiyati” bo‘limi qanday tuziladi?
    
18. 
    Sanoat namunasining muhim belgilari ro‘yxati qanday tuziladi?