Mavzu: Umumjahon savdo tashkiloti va O’zbekiston reja

3-bob. Idoralararo komissiya tarkibi va uning faoliyatini tashkil etish
8. Yuklangan vazifa va funksiyalarni bajarish maqsadida Idoralararo komissiya raisi:
Idoralararo komissiya majlislarida raislik qiladi;
Idoralararo komissiya ish rejasiga takliflar kiritadi;
Idoralararo komissiya majlislarini chaqiradi, Idoralararo komissiya, uning kotibiyati faoliyatini, majlislarda ko‘rib chiqilayotgan masalalar tayyorlanishini va qabul qilingan qarorlar ijrosini tashkil etadi, shuningdek, har chorakda tomonlarni ularning bajarilish jarayonidan xabardor qiladi;
tomonlar hamkorligiga va Idoralararo komissiya qarorlarini ishlab chiqish hamda amalga oshirishda ular o‘rtasida kelishuvga erishilishiga ko‘maklashadi;
Idoralararo komissiya ishida ishtirok etish uchun ularning tarkibiga kirmaydigan mansabdor va boshqa shaxslarni taklif qiladi;
o‘z vakolatlari doirasida boshqa funksiyalarni bajaradi.
9. Yuklangan vazifalar va funksiyalarini bajarish maqsadida Idoralararo komissiya kotibi:
Idoralararo komissiyaning raisi bilan kelishish uchun yig‘ilishlarning muddatlari, o‘tkazilish joyi va kun tartibi bo‘yicha takliflarni shakllantiradi;
Idoralararo komissiya a’zolarini navbatdagi yig‘ilishning muddati, o‘tkazilish joyi va kun tartibi bo‘yicha xabardor qiladi, ularni zarur materiallar bilan ta’minlaydi;
Idoralararo komissiyaning bayonnomalarini yuritadi va yig‘ilish o‘tkazilishini va ish yuritishini tashkil etadi;
tasdiqlangan qarorlarni Idoralararo komissiya a’zolariga tarqatadi;
Idoralararo komissiya qarorlarining ijrosi monitoringini olib boradi;
Idoralararo komissiya raisining Idoralararo komissiya faoliyatiga oid topshiriqlarini bajaradi;
Idoralararo komissiyaning kun tartibi masalalari bo‘yicha tahliliy materiallarni tayyorlaydi.
10. Yuklangan vazifalar va funksiyalarni bajarish maqsadida Idoralararo komissiya a’zolari:
Idoralararo komissiya yig‘ilishida ishtirok etadi va qarorlarni qabul qilishda ovoz beradi;
Idoralararo komissiyaning qarorlarini ijro etish natijalari bo‘yicha Idoralararo komissiyaga hisobot taqdim etadi;
Idoralararo komissiya yig‘ilishining kun tartibi va masalalarni muhokama qilish tartibi bo‘yicha takliflar kiritadi;
Idoralararo komissiyaning yig‘ilishlariga materiallarni tayyorlashda ishtirok etadi.
Idoralararo komissiya a’zolari Idoralararo komissiyaning o‘z vaqtida va samarali ishlashini ta’minlash bo‘yicha boshqa funksiyalarni ham bajarishi mumkin.