Меъда ва ичакда овкат хазм булиши. Меъдада овкат хазм булиши

Меъда секрециясининг тормозланиш механизми. Меъда секрециясини бир канча факторлар тормозлайди. Масалан, ун икки бармок ичакча тушган ёглик овкат меъда безлари секрециясига тормозловчи таъсир курсатади. Ёгнинг тормозловчи таъсири кисман унинг рефлектор таъсирига, асосан эса ун икки бармок ичакда меъда секрециясини тормозловчи модда – энтерогастрон хосил булишига боглик. Ёг таъсирида меъда секрециясининг тормозланишида нерв системасининг роли Л.А. Орбели кузатишларида аникланган: итнинг адашган нервлари киркилгандан сунг ёг таъсирида меъда безларининг секрецияси камрок тормозланади.
Ун икки бармок ичакча анчагина хлорид кислота утганда хам меъда секрецияси сусаяди. Ичакдаги рН 2,5 дан пасайганда шундай эффект олинади. Нормада ун икки бармок ичакдаги рН одатда бунчалик пасаймайди, чунки меъдадаги суюклик ичакча оз-оздан утади ва ичакнинг ишкорий ширасида тез нейтралланади. Бирок меъда безлари секрецияси жуда кучайганда (гиперсекреция) ун икки бармок ичак суюклигидаги кислоталар анча ортиши, натижада меъда секрецияси сусайиши, демак, хлорид кислота камрок чикиши мумкин. Организмда меъда безлари секрециясини чегарадан оширмайдиган компенсатор мосланиш борлиги шундан куриниб турипти.
Меъда безлари секрециясига нерв системасининг тормозловчи таъсир этиши эмоционал холатларда кузатилади. Буни куйидаги тажриба яккол курсатади: ёлгонда овкатлантиришдан сунг меъдадан шира чикиши авж олиб турган пайтда итга мушук курсатиб, ит даргазаб килинса, меъда секрецияси 15-20 минут бутунлай тухтаб туради. Огритувчи таъсирот берилганда хам меъда секрецияси тормозланади.
Эмоционал кузгалиш пайтида меъда секрециясининг тормозланиши одамда хам кузатилган: меъдасида фистула булган болага овкатни курсатиб, узок вактгача едирмай салбий эмоция вужудга келтириш (жахлини чикариш ва норози килиш) натижасида болага кейин овкат берилганда хам меъдасидан шира чикмаган.
Меъда безларининг ишига нерв системасининг тормозловчи таъсир этиши, бундан ташкари, одамга турли моддаларни хидлатиб ва гипноз килиб утказилган тажрибаларда кузатилган. Овкатни бемаза деб ишонтириш натижасида шира чикиши камайган.
Баъзи эмоцияларда меъда секрециясининг тормозланиш механизми, бир томондан, симпатик нерв системасининг кузгалиши билан, иккинчи томондан, буйрак усти безларида адреналин секрециясининг рефлектор равишда кучайиши билан тушунтирилади (симпатик нервлар ва адреналин меъда безлари секрециясига тормозловчи таъсир курсатади).
Меъда секрецияси ичакнинг шиллик пардасида хосил буладиган секрециясини тухтатадиган модда таъсирида хам тормозланиши мумкин. Шундай модда борлиги Айви тажрибаларида исбот этилган: у ичак шиллик пардасининг аксари аралашмалардан тозаланган экстракти конга юборилганда меъдадан шира чикиши камайганлигини аниклаган. Меъда секрециясини тормозловчи ва энтерогастрон деб аталувчи бу модда ичакдан конга сурилади ва кон билан меъда безларига келиб, уларнинг секретор функциясини сусайтиради, деб фараз килишади. Ичакка ёг ва унинг парчаланиш махсулотлари – ёг кислоталари ва уларнинг тузлари утганда энтерогастрон хосил булади. Энтерогастрон эса меъданинг мотор фаолиятини хам тормозлайди.
Меъда безлари секрециясини тормозловчи модда сийдикда хам топилган ва урогастрон деб аталган. Энтерогастрон ва урогастрон бир хилми деган масалан хали ажрим килингани йук.