Меъда ва ичакда овкат хазм булиши. Меъдада овкат хазм булиши

Меъда ва ичакда овкат хазм булиши.
Меъдада овкат хазм булиши
Овкат меъдага тушгач унда бир неча соат туриб, аста-секин ичакка утабошлайди. Меъда “овкат депоси” функциясини утайди, у ейилган таомнинг катта хажмини саклаб туради. Баъзи овкат моддалар меъдада унинг безларидан чикадиган шира таъсирида химиявий узгаришга хам учрайди.
Меъда безлари унинг туби (fundus), танаси (coprus) ва пилорик кисми (pylorys) даги шиллик пардада жойлашган. Безларининг йуллари шиллик парда бурмаларига майда тешикчалар шаклида очилади. Меъданинг фундал кисмидаги безлар асосий, кушимча ва копловчи хужайралардан ташкил топган. Кушимча хужайралар мукоид секрет чикаради; асосий хужайраларда меъда ширасининг ферментлари хосил булади (хайвон улгандан сунг асосий хужайраларнинг тез хазм булиши шундан далолат беради); копловчи хужайралар меъда ширасидаги хлорид кислотани чикаради. Пилорик кисмидаги безлар факат асосий ва кушимча хужайралардан иборат булиб, копловчи хужайралари йук (шунинг учун пилорик кисмдаги безлардан чикадиган ширада хлорид кислота булмайди).

Меъда секрециясини текшириш методикаси. Меъда безларининг секретор фаолияти хакидаги купчилик маълумотлар итлар устида эксперимент утказиш йули билан олинган. Одам ва итнинг меъда секрецияси механизм уртасида унча катта фарк йуклиги кейинчалик одамларда утказилган кузатишларда маълум булди. Шу муносабат билан итларда утказилган экспериментлар одамдаги хазм процессини тушуниш учун мухим ахамиятга эга булди.

Хайвонлар устидаги тажрибаларда меъдада овкат хазм булишини текшириш учун турли хирургик операциялар килинади. Фистула урнатиш бу операцияларнинг энг оддийсидир. Бу операцияда корин бушлиги очилган меъда деворини кесиб, ичига металл фистула найи (галтаксимон найча) киритилади ва чоклар билан махкамлаб куйилади. Фистула найининг иккинчи учи корин юзасига чикарилади, най атрофидаги жарохат эса тикилади. Жарохат битиб кетгач фистула найи тешиги оркали меъда ширасини истаган пайтда олиш мумкин (тажрибадан бошка вактда пробка билан беркитиб куйилади). Фистула найининг булиши овкатнинг нормал хазм булишини бузмайди, бундай хайвон йиллаб яшай олади.
Меъдага киритилган фистула найи оркали тоза меъда ширасини йигиш ва секреция кандай бораётганини урганиш мумкин эмас, чунки меъдага тушувчи овкат ва сулак халакит беради.
Бу методиканинг камчиликларини 1889 йил И.П. Павлов ва Е.О. Шумова-Симановская шу максадда кушимча операция килиб тугатишган: улар меъдага фистула урнатиш операциясига кизилунгачни буйиндан киркиш операциясини кушишган. Эзофаготомия деб аталадиган бу операцияда кизилунгач киркиб куйилгач, четлари теридаги жарохатга тикиб куйилади.
Эзофаготомиядан сунг хайвон соатлаб овкат еса хам туймайди, чунки ютилган овкат меъдага тушмай, кизилунгачдаги тешик оркали ташкарига окиб чикади. Бундай хайвонга огиздан овкат бериш шунинг учун ёлгондан овкатлантириш деб аталади. Эзофаготомия килинган итга овкат ё фистула найи оркали меъдага киритиш ёки булмаса суюк овкатни кизилунгачнинг периферик кисмига юбориш йули билан берилади.
Меъда фистуласи операциясига кизилунгачни киркиш операцияси кушилганлиги огиз бушлиги ва халкумдан меъда безларига буладиган рефлексларини урганиш имконини беради. Шу билан бирга бу операция методикаси нормал овкатланишда меъдага тушган овкат меъда безларига кандай таъсир курсатишини урганишга имкон бермайди. Клеменсиевич - Гайденгайн усулида меъдача ажратилган хайвонлар устида тажриба килиб, бу саволга бир кадар жавоб олиш мумкин. Бу авторлар таклиф килган операцияда ит меъдасининг катта эгрилигидан бир парча ажратиб олиниб, ундан кичкина копча хосил килинади; унинг тешиги теридаги жарохатга тикиб куйилади. Меъда бутунлиги чоклар ёрдамида тикланади. Демак, операция натижасида иккита меъда хосил булади: бири-катта, нормал, хажми бироз кичрайган меъдада овкат одатдагидек хазм булади, иккинчиси – кичик, ёки ажратилган меъдачага овкат тушмайди.
Клеменсиевич – Гайденгайн усулида ажратилган меъдача катта меъдага овкат тушганидан бир неча вакт кейин меъда ширасини ажрата бошлайди. Бирок, бу меъдачадан шира ажралиши меъда безларининг секрецияси нормал бораётганини акс этдирмайди. Бунинг сабаби шуки, меъдача ажратиш операциясида унга келадиган купчилик нерв толалари киркилиб кетади, шунинг учун шира ажралишининг нерв таъсирлари билан боглик булган биринчи этапи тушиб колади.
Клеменсиевич – Гайденгайн усулида ажратилган меъдачадан шира ажралиши овкат ейишдан 30-50 минут кейин бошланади, холбуки фистула куйиб эзофаготомия килинган итда меъда марказий нерв системасига нервлар оркали богланиб тургани учун ёлгондан овкатлантиришдан 5-10 минут кейин шира чикара бошлайди.
И.П. Павлов меъдача ажратиш учун уз усулини таклиф килди. Бу усул меъдача иннервациясини саклаб колишга имкон беради, шунинг учун меъдачанинг секретор функциясини физиологик шароитга якин шароитда кузатиш мумкин. Бу операцияда фундал кисмнинг бир булаги киркилади. Бунда меъда деворининг бир кисми, яъни сероз ва мускул пардаларининг бир кисми киркилмайди, шиллик пардаси эса бутунлай кесилади. Киркилган жойининг икки томонидаги меъда шиллик пардасига чок солиб, катта меъданинг бутунлиги тикланади ва айрим кичик меъдача хосил килинади; кичик меъдача тешиги теридаги жарохатга тикилади. Меъда шиллик пардаси кесилган жойдаги сероз ва мускул пардалар катта ва кичик меъдада алохида тикилади. Меъда деворининг сероз ва мускул пардалари киркилмай колган жойида бу пардалар катта меъдани ажратилган меъдачага туташтирувчи куприк хосил килади. Ажратилган кичик меъдачани иннервацияловчи нерв толалари уша куприкдан утади.
И.П. Павлов усулида ажратилган кичик меъдачадан шира худди катта меъдадаги каби ажралади. Ажратилган меъдачага овкат тушмаганлиги учун, унинг безларидан ажраладиган ширага ёт нарсалар аралашмайди, унинг таркибини сифат ва микдор жихатдан текшириш мумкин.
Баъзан одам жарохатланган ёки «килтомок» булганда операция килингач меъда фистуласи пайдо булади. Тасодифан ук еб меъдаси тешилиб колган (фистула хосил булган) овчидаги меъда секрециясини кузатиш натижаларини Бомон 1834 йилдаёк тасвир этган эди. Чурранинг кисилиб колиши сабабли кичкина меъдача ажралган кишилардаги меъда безлари секрецияси кейинчалик алохида кузатилган.
Одам меъдасидан шира чикишини текшириш учун меъдага резина най – зонд киритилади. Текшириладиган кишига одатда синов ёки текширув нонуштаси берилади. Купинча Боас-Эвальд нонуштаси (50 г ок нон ва бир стакан илик сув) берилади. Меъда секрециясини текшириш максадида, одамга гушт шурваси ёки карам суви, алкоголь ёки кофеин эритмалари хам ичирилади. Овкатланишидан бироз вакт кейин меъда суюклиги зонд ёрдамида олинади ва химиявий йул билан текширилади. Водород ионларининг актив реакциясини сезувчи датчикли зондни татбик этиш янги усул хисобланади.