Международный

 
 
3 Атамалар ва таърифлар  
Ушбу стандартда ИСО 9000:2015 да берилган атамалар ва таърифлар қўлланилган.
 
4 Ташкилот муҳити
4.1 Ташкилот ва унинг муҳити тўғрисида тушунча
Ташкилот ўзининг мақсадлари ва стратегик йўналишларига тегишли бўлган, ҳамда 
унинг сифат менежменти тизимининг белгиланган натижаси(лари)га эришиш қобилиятига 
таъсир этадиган ташқи ва ички омилларни белгилаши керак.

---

O’z DSt ISO 9001:2015 
2 
Ташкилот ушбу ташқи ва ички омиллар тўғрисида ахборотни мониторинг ва таҳлил 
қилиши керак.
Изоҳлар:
1 Кўриб чиқилаётган омиллар ижобий ёки салбий бўлиши мумкин.
2 Ташқи муҳитни тушунишга халқаро, миллий, минтақавий ёки маҳаллий даражада қонунчилик, 
технологик, рақобатчилик, бозор, маданий, ижтимоий ва иқтисодий муҳит билан боғлиқ бўлган омилларни кўриб 
чиқиш ёрдам бериши мумкин.
3 Ички муҳитни тушунишга қадриятлар, маданият, билимлар ва ташкилот ишининг натижалари билан 
боғлиқ бўлган омилларни кўриб чиқиш ёрдам бериши мумкин.
 
4.2 Манфаатдор томонларнинг эҳтиёжлари ва кутилмалари тўғрисида тушунча
Ташкилотнинг, истеъмолчилар талабларига ва уларга қўлланилган қонунчилик ва 
норматив-ҳуқуқий талабларга жавоб берадиган маҳсулот ва хизматни доимо етказиб бериш 
қобилиятига манфаатдор томонлар тарафидан кўрсатилаётган ёки кўрсатилиши мумкин бўлган 
таъсирни ҳисобга олган ҳолда ташкилот қуйидагиларни белгилаши керак:
a) сифат менежменти тизимига алоқадор бўлган манфаатдор томонлар;
b) ушбу манфаатдор томонларнинг сифат менежменти тизимига алоқадор бўлган 
талаблари.
Ташкилот ушбу манфаатдор томонлар ва уларнинг тегишли талаблари тўғрисида 
ахборотни мониторинг ва таҳлил қилиши керак.
4.3 Сифат менежменти тизимини қўллаш доирасини белгилаш  
Ташкилот сифат менежменти тизимини қўллаш доирасини белгилаш учун унинг 
чегаралари ва у қамраб оладиган фаолиятни аниқлаши керак.
Қўллаш доирасини белгилаш вақтида ташкилот қуйидагиларни кўриб чиқиши керак:
a) ташқи ва ички омиллар (4.1га қаранг); 
b) тегишли манфаатдор томонларнинг талаблари (4.2га қаранг);
c) ташкилотнинг маҳсулотлари ва хизматлари.
Ташкилот ушбу стандартнинг барча талабларини қўллаши керак, агар ушбу талаблар 
ташкилотнинг сифат менежменти тизимини қўллашнинг белгиланган доираси чегараларида 
қўлланилса.
Ташкилотнинг сифат менежменти тизимини қўллаш доираси ҳаммабоп бўлиши, 
ҳужжатлаштирилган ахборот сифатида ишлаб чиқилиши, долзарблаштирилиши ва 
қўлланилиши керак. Қўлланиш доираси маҳсулотлар ва хизматларнинг қамраб олинадиган 
турларини кўрсатиши ва унинг сифат менежменти тизимини қўлланиш доирасига қўллаб 
бўлмайдиган сифатида аниқлаган, ушбу стандартнинг талабини истисно қилиш учун асос 
келтириши керак.
Агар қўллаб бўлмайдиган сифатида аниқланган талаблар ташкилотнинг маҳсулотлар ва 
хизматларнинг мувофиқлигини таъминлаш ва истеъмолчиларнинг қониққанлигини ошириш 
қобилияти ёки масъулиятига таъсир қилмаса, у ҳолда ушбу стандарт талабларига мувофиқлик 
билдирилиши мумкин.