Ámeliy sabaq (4 saat)

Ámeliy sabaq (4 saat)

Sabaq temasi	Oraylıq hújimshi arqalı toptı uzatıp hújim jasaw
Wazıypalar:	Oraylıq hújimshi arqalı toptı uzatıp hújim jasaw
Inventarlar:	Basketbol toplari, svistok, sekundomer, fishkalar
Basqıshlar, waqit	Iskerlik
	Oqıtıwshı	Studentler
1. Kirisiw bólimi (5 minut)	1.1. Sabaq teması, sabaq rejesi hám wazıypası menen tanıstırıw.	1.1. Esitiw hám jazıp alıw.
2. Tayarlıq bólimi (20 minut)	2.1. Sapta júriw, juwırıw, ulıwma qızdırıwshı shınıgıwlardı isletiw. Bulshıq etlerdi qızdırıp sozıwshı shınıgıwlardı isletiw. 2.2 Hárekette URSh lardı isletiw	2.1. Kórsetpeler tiykarında orınlaw. 2.2. Sıpatlı orınlaw.
3. Qaliplestiriwshi shınıgıwlar (45 minut)	3.1. Shınıgıwdı korsetiw hám túsindirip beriw tiykarında úyretiw hám qaytalaw menen orınlaw. 3.2. Orınlap atırģan shınıgıwlardı orınlawda jiberilgen qáte kemshiliklerdi studentlerge túsindiriw. 3.3. Berilip atırģan shınıgıwlardı bólimlerge bólip úyretiw. 3.4. Jaģdaylar menen baylanıslı bolģan teхnik shınıgıwlardı (tezlik, toptiń jónelisi, sheriktin háreketlerin) bekkemlew menen úyretiw.	3.1. Kóriw hám esitiw. 3.2. Eslep qalıw hám orınlaw. 3.3. Qáte-kemshiliklerdi kórsetken halda shınıgıwdı orınlaw. 3.4. Jaģdayģa baylanıslı bolģan shınıgıwlardı orınlaw. 3.5. Óz-ózin obektiv bahalaw.
4. Juwmaqlawshi bólim (10 minut)	4.1. Tema boyinsha ózlestiriw dárejesin kórsetip otiw. 4.2. Oyın usılların bekkemlew ushın óz betinshe wazıypalar beriw.	4.1. Esitiw. 4.2. Jazip aliw.

Tapsırmalardı orınlaw tártibi

1. Kirisiw bólimi

Maqseti: ámeliy shınıǵıwlardan aldın UQSh deneni hár tárepleme júklemege tayarlaydı. Metabolizm tezlesedi, qan aylanıw hám dem alıw organlarınıń jumısı, bulshıq etler hám ligamentlardıń elastikligi asadı, zárúr gormonlar qan aǵımına kiredi.

1.1 Sportzaldı 1 márte aylanıp sapta júriw. Sportzaldı 10 márte aylanıp sapta juwırıw.

Sapta UQSh islew:
1.2 Bastı aylandırıw. Ayaqlar iyin keńliginde, jaqtı moynǵa taqaladı. Oń iyinnen shepke qaray bastı tezliksiz aylandırıladı. Shınıǵıw 3-5 ret qaytalanadı.
1.3 Bastı joqarıǵa hám tómenge iyiw. Bastı ılajı bolǵanınsha tómenge iyip, jaqtı kókrekke basıw, sonda moyınnıń arqa bulshıq etler sozıladı. Bul poziciyanı bir neshe sekund uslap turıw kerek. Keyin jaqtı joqarıǵa tartıp bastı arqaǵa qaray iyiw. Shınıǵıw 3-5 ret qaytalanadı.
1.4 Iyinlerdi hám qollardı arqaǵa hám aldıǵa qaray aylandırıw. Shınıǵıwdı islew fazalarında iyinlerdi qulaqqa qaray, arqaǵa tómenge hám kokirekke qaray maksimal tarıw kerek. Shınıǵıw 2-3 ret qaytalanadı.
1.5 Bileklerdiń aylandırıw háreketleri. Shınıǵıw tirsekler búgilen halda islenedi. Qoldı qaptal táreplerge sozıw kerek, keyin bilekler menen aylanba túrde háreketlerdi orınlaw kerek. 10 márte qaytalanadı.
1.6 Qaptalǵa qaray iyiliw. Ayaqlar iyin keńliginde boladı. Shep qol belde turadı, oń qol joqarıǵa sozıp deneni shep qaptalǵa iyiledi. Keyin qollardı almastırıp oń qaptalǵa iyiliw kerek. Har tárepke 10 márteden islenedi.
1.7 Beldi aylandırıw. Ayaqlar iyin keńliginde turadı. Ońǵa, arqaǵa, shepke hám aldıǵa qaray izbe-izlikte beldi aylandırıw. Ayaqlar háreketsiz boladı. Aylanba háreketi oń hám shep tárepten izbe-iz almastırıp islenedi.
1.8 Aldıǵa iyiliw. Ayaqlar iyin keńliginde. Oń qol menen shep ayaq, shep qol menen oń ayaq barmaqlarına 10 márteden tiygiziw.
1.9 Bir ayaqtan ekinshi ayaqqa otırıw. Ayaqlarıńızdı enige qaray keń qoyıladı. Dene salmaqtı dizeńi búgip oń hám shep ayaqqa izbe-iz otırıladı. Bos turǵan ayaq sozılǵan halda hám dize búgilmesten turadı. Shınıǵıw 10 márte qaytalanadı.
1.10 Dizelerdi búgip sekiriw. Bir tempte hám orta tezlikte sekirip dizelerdi kokirekke tiygiziw. 10 márte sekiriw kerek.

2. Tayarlıq bólimi

2.1 Bir qatar bolıp hárekette dizelerdi izbe-iz bir tempte hám orta tezlikte koteriw.
2.3 Bir qatar bolıp hárekette ayaqlardı izbe-iz bir tempte hám orta tezlikte jambasqa tiygiziw.
2.4 Bir qatar bolıp hárekette, 20 metr aralıqta bir tempte hám orta tezlikte ayaqtı ekinshı ayq artına ótkerip háreketleniw.
2.5 Bir qatar bolıp 20 metr aralıqta arqa menen aldıǵa qaray tezlik penen háreketleniw.
2.6 Bir qatar bolıp 20 metr aralıqta otırıp bir waqıtta biyiklikke hám aldıǵa qaray sekiriw.
2.7 Maydan ishinde joqarı tezlik penen juwırıw.
2.8 Shuqır dem alıw 5-6 márte.

3. Qaliplestiriwshi shınıgıwlar

3.1 Toptı oń hám shep qol menen alıp júriw. Háreketler basketbol stoykası menen isleniw kerek.
3.2 Eki toparǵa bólinip shınıǵıw ámelge asırıladı. Toptı alıp kelip, eki adım atlap toptı sebetke taslaw. Toptı dene menen jawıp islew kerek. Toptı bir qol menen sebetke taslawda ekinshi qol menen toptı jabıw kerek.
3.2.1 Ekinshi topardaǵı studentler sebetten qaytqan toptı qabılla, birinshi topardaǵı oyınshıǵa jetkerip beriw kerek.
3.3 Jup bolıp (2-lik) qorǵanıwshısız tez hújim jasaw.
3.3 Úsh oyınshı bolıp qorǵanıwshısız 8-lik túrde tez hújim jasaw.
3.4 Úsh oyınshı bolıp qorǵanıwshısız 6-liq túrde tez hújim jasaw.
3.5 Úsh oshkolı sızıqtaǵı 5 nuqtadan 1x1 hújım jasaw
3.6 3x3 hújim jasawda tosıq arqalı ashılıp orta aralıqtan toptı sebetke taslaw.

4. Juwmaqlawshi bólim

4.1 Maydandı 3 márte aylanıp áste tezlikte juwırıw.

4.2 Maydandı 1 márte aylanıp júriw, sonıń menen birge tereń dem alıw.
4.3 Orınlaǵan shınıǵıwlarda jetiskenlik penen birgelikte jiberilgen qáte kemshiliklerdi kórsetip otiw.
4.4 Uyge tapsırma beriw. Video arqalı joqarı sheberlik komandalardıń oyınında 1x1 hám toparlıq hújimlerdi kóriw, sol video arqalı 1x1 hám toparlıq hújimlerdi awızha aytıp beriw.