Metrologiya, standartlashtirish va sertifikatlash asoslari

24.4-jadval
HACCP ishchi varag‘i shakli

Оперatsiya-lar nomi	Xavfli omillar	Kritik nazorat nuqta raqami	Nazorat qilinadigan parametr va uning chegaraviy qiymati	Monitoring protse-durasi	Tekshiri-luvchi amallar	Rо‘yxat-hisob hujjati
1	2	3	4	5	6	7

HACCP tizimi quyidagi maqsadlarga erishishga yo‘naltirilganligini ta’kidlash zarur:

HACCP tizimi iste’molchilar sog‘lig‘i va hayoti uchun xavflarni paydo bo‘lish xavf-xatari darajasini ruxsat etilgangacha kamaytirish yoki to‘liq bartaraf etish hisobiga oziq-ovqat mahsulotlari xavfsizligiga ishonchni oshirish.
HACCP tamoyillari asosida tayyorlash, qayta ishlash, ishlab chiqarish, tarqatish, yuklash, tashish, saqlash va foydalanishda xavf-xatarlarni boshqarish bo‘yicha ishlarni tartiblashtirish va muvofiqlashtirish hisobiga sifat barqarorligini oshirish hamda oziq-ovqat mahsulotlarining yaroqliligi muddatini uzatirish.
Ishlab chiqarish mehnati, texnologik jarayonlarni samaradorligi oshirish va yaroqsiz mahsulotlarni kamaytirish (takroriy qayta ishlash va chiqindilarni kamaytirish), korxona daromadini oshirish.
Kritik chegaralarni aniqlash va xavfli omillarni baholash hamda aniqlashda HACCP tizimi va uning monitoringi, asoslangan nazorat nuqtalari nomenklaturasini o‘rnatish hisobiga ishlab chiqarish jarayonida majburiy standartlar talablariga rioya etish uchun davlat tekshiruvi va nazorati o‘tkazishga ko‘maklashish.
Mahsulot ishlab chiqarishga mo‘ljallangan HACCP tizimini sertifikatlashtiruvchi tashkilotlar uchun muvofiqlik belgisi tovar yuk-xatida, (yorliqlarida, etiketkasida) kadoqlarida qo‘yilishi mumkin.
Mahsulotni tashish, saqlash va (yoki) foydalanishga mo‘ljallangan HACCP tizimini sertifikatlashtiruvchi tashkilotlar uchun muvofiqlik belgisi rasmiy blanklarda va sertifikatni saqlovchisining reklama manbalarida qo‘yilishi mumkin.
Xalqaro standartlashtirish tashkiloti (ISO) 2005-yil avgustda oziq-ovqat mahsulotlariga murojaat etuvchi, qurilmalar ta’minotchilari, idishlar, qadoqlash, oziq-ovqat qo‘shimchalari, omuxta-yem, o‘g‘itlar va h.k. ishlab chiqarishga jalb etilgan ixtiyoriy korxonalar uchun OOMXMT ISO 22000:2005 xalqaro standartini qabul qildi. Shuningdek, standart chakana savdoda, restoran biznesida, yuvish, dezinfiksiyalash, zarar kunandalar bilan kurashuv bo‘yicha chora-tadbirlarda, saqlash, tashish va mahsulotni tarqatishdagi tarli xil xizmatlarni ko‘rsatish bo‘yicha biznesda foydalanish uchun ham qo‘llaniladi.

Agar nuqta chegarada yoki yuqorida bo‘lsa, omil hisobga olinadi, quyida bo‘lganda esa hisobga olinmaydi.

HACCP guruhi xavf-xatarlarni bartaraf etish yoki ularni ruxsat etilgan darajagacha kamaytirishga oldini olish amallarni aniqlash va hujjatlashtirishi lozim. Oldini oluvchi amallarga ishlab chiqarish texnologik jarayonlari parametlarini nazorat qilish; termik qayta ishlash; konservantlarni qo‘llash; metalldetektorlardan foydalanish; zararli moddalar konsentratsiyasini davriy nazorat qilish; qurilmalarni, vositalarni, qo‘l va poyafzal va boshqalarni yuvish va dezinfiksiyalash taalluqli.
Oldini oluvchi amallar ro‘yxati quydagi javal ko‘rinishida taqdim etiladi.