Meva va sabzavotlarda pyure sous va qaylalar tayyorlash texnologiyasi Reja: Kirish Asosiy qism

Chuchuk qalampir pyuresini tayyorlash texnologiyasi

Yuvish, tozalash, bug‘ bilan ishlov berish, maydalash. Pyure tayyorlash uchun biologik yetilgan qalampir yuviladi, o‘zak va urug‘idan tozalanadi, 5-10 daqiqa o‘tkir bug‘ bilan ishlov beriladi. Avval mexanik maydalagichda, so‘ngra ishqalash mashinasida maydalanadi. S vitaminini havo kislorodi bilan oksidlanib yo‘qolishini kamaytirish uchun ishqalash jarayoni bug‘ berilib turgan bo‘shliqda amalga oshiriladi.
Qadoqlash, berkitish va sterillash. Ishqalangan qalampir massasi issiqlik almashinish apparatlarida 95-970S -gacha isitiladi va bankalarga qadoqlanadi. Bankalar tezda berkitiladi va 116-1210S -da sterillanadi.
Vengriyada etli tomat shaklidagi qalampirdan “Pritamin” nomli keng tarqalgan pasta ishlab chiqariladi. Bu mahsulotni olish uchun yuvilgan va tozalangan qalampir mevasi zanglamas po‘latdan ishlab chiqilgan ishchi kamerasi setka bilan ajratilgan bolg‘ali maydalagichda maydalanadi. Setka teshiklari diametri 1,5-2 mm bo‘lib, ishchi kamera SO2 bilan to‘ldirilgan. Gaz mashina bo‘shlig‘ini to‘ldirib liniyaning keyingi bekig qismiga havo kirishiga to‘sqinlik qiladi.
Maydalangan qalampir massasi germetik berkitilgan zanglamas po‘lat materialli setkalar o‘rnatilgan ishqalash mashinasida maydalanadi. Ishqalangan massa vakuum-apparatda quruq modda miqdori refraktometr bo‘yicha 24-26% bo‘lguncha bug‘latiladi.
Tayyor pasta issiq holatda temir laklangan bankalarga qadoqlanadi va 1160S temperaturada sterillanadi. Ushbu sxemada tayyorlangan pasta tarkibining har 100 g-da 450 mg va undan ko‘proq S vitamini mavjud. Uning rangi, maza va hidi yaxshi.
Pritamin birinchi va ikkinchi ovqatlarga sardak (qayla) sifatida ishlatiladi, go‘shtli mahsulotlarda, buterbrodlarda xantal o‘rniga ishlatilishi mumkin.
Inspeksiya. Qayta ishlashga kelgan xom ashyo inspeksiyalanadi. Sarg‘aygan va ezilgan barglar, begona o‘tlar ajratib olinadi.
Yuvish. Chuchuk qalampir, Shpinat va shovul barglari odatda qum va tuproq bilan ifloslangan bo‘ladi. Ular qiyin yuviladi, ayniqsa yomg‘ir paytida yoki undan so‘ng terilgan bo‘lsa.
Chuchuk qalampirdan loyni yuvib tashlash shart, chunki ularga Cl.botulinum. bakteriyalari o‘rnashgan bo‘lishi mumkin. Bu ayniqsa past kislotalilikka ega va mikrob sporalarini o‘sishi uchun yaxshi muhit bo‘lgan shpinatni qayta ishlashda xavfli. Buni nazarda tutib shpinat va shovul 2, hatto uch marotaba bosim 200-300 kPa bo‘lgan suv tarmog‘idagi dush ostida yuviladi. Agar barglar juda ifloslangan bo‘lsa oqar sovuq suvda 20-30 daqiqa ivitiladi.
Yuvishning yaxshi sifatiga vannadan tashqariga chiqarilgan uzuna valli kurakli yuvish mashinasida erishiladi. Bu mashinaning harakatlanuvchi qismlariga barglar yopishishini bartaraf etadi.