Мевачилик асослари doc

Кўчатзор ҳудудини ташкил қилиш. Кўчатзор хўжалигини 
кўчатзорнинг 15-20 гектардан иборат навбатдаги даласини барпо этиш 
билан бошлаш мақсадга мувофиқдир. 
Кўчатзорнинг катта-кичиклиги унинг навбатдаги даласини барпо 
этиш катталиги билан белгиланади. Одатда 1 гектардаги кўчатлар билан 
кўчатзорнинг 5-7 гектар биринчи даласи таъминланади. Кўчатзорнинг 1 
гектар навбатдаги даласи учун уруғ мева дарахтлар пайвандтаг уруғлик 
боғи, данак мевалилар пайвандтаг уруғлик боғи талаб қилинади. 
Пайвандтагларнинг навдор она боғи кўчатзорнинг қаламчаларга бўлган 
талабига мувофиқ тарзда барпо этилади. Одатда 1-1,5 гектар боғдаги мева 
дарахтлари кўчатзорнинг биринчи даласига куртак пайванд қилиш учун 
етади. 
Резавор-мева ва субтропик ўсимликлар майдони бу ўсимликларнинг 
кўчатларига бўлган талабга қараб белгиланади. Одатда хўжалик учун бу 
майдонлар 3-5 гектардан ошмайди. 
Кўчатзор ўсимликшунослик ва чорвачилик тармоқларига ҳам эга 
бўлиши лозим, чунки бу ерда гўнгнинг мумкин қадар кўп бўлиши жуда 
муҳимдир. Дала экинлари майдони жиҳатдан кўчатзорнинг алмашлаб 
экиладиган барча майдонидан бир ярим-икки баравар ва ундан ҳам катта 
бўлиши керак. 
Кўчатзор бўлимларининг майдони кварталларга бўлинади: бу 
кварталлар пайвандтаг етиштириш учун 5-8 гектардан 10 гектаргача, 
кўчатларга шакл бериладиган далалар учун 8-10 гектар, баъзан 15-20 
гектарга қадар бўлади. Мева кўчатзори ва шакл бериладиган далаларда 
алмашлаб экиш даласи ажратилади. Одатда бир кварталда бир неча кичик 
алмашлаб экиш даласи бўлади ёки аксинча бир алмашлаб экиш даласи бир 
ёхуд бир неча квартални ўз ичига олади. Кварталлар ва алмашлаб экиш 
далаларининг чегараси тегишли ёзувлар осиб қўйилган ва ерга кўмилган 
қозиқлар билан белгилаб қўйилади. 
Яхшироқ мўлжал олиш ва ишларни ташкил этиш учун кварталлар 
одатда 0,5-1 гектар катталикдаги катакларга бўлинади. 
Кўчатзорда унинг худудини узунасига ва кўндалангига кесиб 
ўтадиган эни 8-10 м келадиган магистрал йўллар қурилади. Сўнгра йирик 
алмашлаб экиш далалари ва кварталларнинг ўртасидан, катта ариқларнинг 
икки томонидан, боғни шамоллардан ҳимоя қилувчи дарахтзорларнинг 

---

85 
ички томонидан узунасига ва кўндалангига кетган эни 4-5 м ли, катаклар 
орасида эса тор (2-3 м) йўллар қилинади. 
Кўчатзор ҳудудини ташкил этишда карантин бўйича давлат 
инспекциясининг йўриқномасига мувофиқ кўчатлар карантин манбалардан 
зарарланишдан сақланиши учун бўш жой қолдириб изоляция қилиш кўзда 
тутилади. Доимо шамол эсиб турадиган минтақаларда иҳота дарахтзорлар 
барпо этиш зарур.