Mexanik qismini tortish elektradvigatelini jihoslarini tamari

Qattiq mexanik tavsif (1- rasm, a dagi 2 tavsif). Bu tavsifga ega bo‘lgan yuritmalarda b 1—10% atrofi­da o‘zgaradi. Bu guruhga mustaqil qo‘zg‘atish chulg‘amli o‘zgarmas tok dvigatellari, kollektorli mashinalar va ventilli dvigatellar kiradi.
Yumshoq mexanik tavsifga (1- rasm, a dagi 3 tavsif) tavsif qiyaligi 10% dan ko‘p bo‘lgan dvigatellar ega bo‘ladi. Ularning qatoriga ketma-ket qo‘zg‘atish chulg‘amli o‘zgarmas tok dvigatellari, to‘g‘ridan-to‘g‘ri o‘zgaruvchan tarmoqqa yoki o‘zgarmas tokka ulanadigan kollektorli universal dvigatellar yuqori sirpanishga ega bo‘lgan asinxron dvigatellar kiradi. Ko‘p turdagi dvigatellarning sun’iy tavsiflari ham yumshoq hisoblanadi.
Ko‘pincha mexanik tavsiflari o‘zgaruvchan qattiqlikka ega bo‘lgan dvigatel yoki elektr yuritma tizim­lari qo‘llaniladi. Masalan, 1- rasm, b dagi 1 qisqa tutashgan rotorli asinxron dvigatelning mexanik 2 ekskavatorga xos bo‘lgan mexanik tavsifni, 3 ketma-ket qo‘zg‘atish chulg‘amli o‘zgarmas tok dvigatelining tavsifini ifodalaydi. Agar AB qismdagi tavsiflar qattiq bo‘lsa, BC qismidagi tavsiflar yumshoq ko‘rinishga ega. Shunday qilib, bu tavsiflar o‘zgaruvchan qiyalikka ega bo‘lgan tavsiflar deb yuritiladi.
Mexanik tavsiflarning ko‘rinishi va elektr dvigatel turini texnologik talablardan kelib chiqqan holda tanlanadi. Masalan, po‘latni prokatlash, qog‘oz ishlab chiqarish, rotatsion bosim, zamona­viy metall kesish dastgohlari mexanizmlari uchun qattiq mexanik tavsif talab etiladi. Ba’zi, sinov stendlari va tasmali mexanizmlari ko‘pincha yuritmada absolut qattiq mexanik tavsif bo‘lishini taqozo etadi.
Turli nominal qiymatlarga ega bo‘lgan elektr yuritmalarni taqqoslash va boshqa tadqiqotlarni o‘tkazishda nisbiy birliklardan foydalanish maqsadga muvofiq.
Har qanday o‘zgaruvchini nisbiy birliklarda ifodalash uchun uning absolut qiymatini shunga o‘xshash bazaviy qiymatga bo‘lish kerak. Odatda, elektr yuritmalarda bazaviy qiymat sifatida quyidagilardan foydalaniladi:
U_nom — nominal kuchlanish; I_nom — nominal tok; M_nom(F_nom) — nominal moment (kuch); R_nom(Z_nom) — tarmoqdan nominal kuchlanish berilganda nominal tok oqishini ta’minlaydigan qo‘zg‘almas dvigatel zanjiridagi nominal qarshilik; w_nom — dvigatel yakorining (rotorining) nominal burchak tezligi. Bu qiymatlardan tashqari o‘zgaruvchan tok mashinalari uchun bazaviy qiymat sifatida magnit maydoni­ning sinxron burchak tezligi w₀(w_sx), mustaqil qo‘zg‘atish chulg‘amli o‘zgarmas tok dvigateli uchun elektr yurituvchi kuch tarmoq kuchlanishiga teng bo‘lgandagi ideal salt yurish tezligi w₀ qabul qilinadi.
Kuchlanish uchun nisbiy kattalikni quyidagicha yozish mumkin:


(2)

Asinxron mashinalarda kuchlanishning ikkita bazaviy qiymatidan foydalanish maqsadga muvofiq: stator zanjiri uchun tarmoq kuchlanishi va qo‘zg‘almas rotor uchun uning elektr yurituvchi kuchi (EYK) E_{2 nom}.

Nisbiy birlikda tokni quyidagicha ifodalaymiz:


(3)

O‘zgarmas tok mashinalari uchun yuqorida keltirilgan tushunchaga asosan

(4)

U holda yakor qarshiligining nisbiy birligi:

(5)

Faza rotorli asinxron dvigatel bitta fazasining nomi­nal qarshiligini statorni nominal kuchlanish va chastotaga ega bo‘lgan tarmoqqa ulab olinadi. Bu holda rotor zanjiriga shunday qarshilik ulash kerakki, u rotor qo‘zg‘almas bo‘lganda hamda fazalari «yulduzcha» usulida ulanganda, nominal tok oqib o‘tishini ta’minlaydigan bo‘lsin, ya’ni

, (6)

bu yerda: E_2 nom — ochiq qo‘zg‘almas rotordagi nomi­nal EYK: I_2 nom — rotorning nominal toki.

Rotor induktivligini yanada aniqroq hisobga olish uchun (6) tenglamani quyidagi ko‘rinishda yozish mumkin: