Microsoft Word 03 Kishlok xujaligida buxalteriya xisobi va solikka tortish \

14.2. Sug‘urta to‘lovlari va byudjetdan tashqari fondlarga to‘lovlar bo‘yicha hisob-kitoblar 
hisobi. 
Korxona xodimlari va mol-mulki sug‘urtasi bo‘yicha, davlat ijtimoiy sug‘urtasi, korxona 
xodimlarining pensiya ta’minoti va tibbiy sug‘urtasiga ajratmalar bo‘yicha qarzlar to‘g‘risida axborot 
quyidagi schyotlarda aks ettiriladi:
6510-"Sug‘urta bo‘yicha to‘lovlar", 
6520-"Maqsadli davlat jamg‘armalariga to‘lovlar".-yagona ijtimoiy to‘lov – 25%; 
Masalan, mol-mulk sug‘urtasiga oid to‘lovlar hisoblab yozildi: 
D-t – xarajatlarni hisobga oladigan schyotlar 
K-t 6510-"Sug‘urta bo‘yicha to‘lovlar". 
Bunday to‘lovlarning analitik hisobi uchun qo‘shimcha schyotlar ochish tavsiya etiladi. 
Masalan: 
6521-«MHTFdan byudjetdan tashqari Pensiya jamg‘armasiga 24,2% miqdorida majburiy 
ajratmalar», 
6522-«MHTFdan Bandlikka ko‘maklashish fondiga ___% miqdori majburiy ajratmalar», 
6523-«MHFTdan Kasaba uyushmalari federatsiyasi kengashiga __ % miqdorida majburiy 
ajratmalar», 
6524-fuqarolarning ish haqidan byudjetdan tashqari Pensiya jamg‘armasiga 2,5% miqdorida 
majburiy sug‘urta ajratmalari, 
6528- Yo‘l jamg‘armasiga majburiy ajratmalar, 
6529-byudjetdan tashqari Pensiya jamg‘armasiga 24,2% miqdorida majburiy ajratmalar va 
hokazolar. 
Sug‘urtaga oid to‘lovlarni hisoblab yozish quyidagi tarzda aks ettiriladi: 
- byudjetdan tashqari Pensiya jamg‘armasiga 25%: 
D-t 2010, 9410, 9420 (xarajatlarni hisobga oladigan schyotlar) 
K-t 6521-«MHFTdan byudjetdan tashqari Pensiya jamg‘armasiga badalllar» 
- byudjetdan tashqari Pensiya jamg‘armasiga 2,5%: 
D-t 6710-«Mehnat haqi bo‘yicha xodimlar bilan hisoblashshlar» 
K-t 6524-«Fuqarolarning ish haqidan byudjetdan tashqari Pensiya fondiga sug‘urta badallari» 
Yo‘l yig‘imini hisoblab yozish: 
D-t 9430-«Boshqa operatsion xarajatlar» 
K-t 6528-«Yo‘l fondiga ajratmalar». 
Amaldagi qonunchilikka muvofiq vakolatli davlat organlarining qarori bo‘yicha to‘lanish 
muddatini bir necha yilga uzaytirishga ruxsat etilgan, sug‘urta va majburiy to‘lovlar bo‘yicha uzoq 
muddatli qarzlar 7240-«Soliqlar va majburiy to‘lovlar bo‘yicha uzoq muddatli kechiktirilgan 
majburiyatlar» schyotida aks ettiriladi.
7240-«Soliqlar va majburiy to‘lovlar bo‘yicha uzoq muddatli kechiktirilgan majburiyatlar» 
schyotining krediti bo‘yicha uzoq muddatli muddati uzaytirilgan to‘lovlar sug‘urta va maqsadli davlat 
fondlari (6500-schyot) bo‘yicha qarzlarni hisobga oluvchi schyotlar bilan korrespondentsiyalanib 
hisobga olinadi.
7240-«Soliqlar va majburiy to‘lovlar bo‘yicha uzoq muddatli kechiktirilgan majburiyatlar» 
schyoti bo‘yicha analitik hisob muddati uzaytirilgan sug‘urta bo‘yicha to‘lovlar va byudjetdan 
tashqari fondlarga to‘lovlarning har bir turi hamda qoplanish muddati bo‘yicha yuritiladi.