Microsoft Word 13-lekciya doc

Ostioklast kletkalar - shemirshek ha`m su`yek kletkasın buzıw qa`siyetine iye. Basqa su`yek 
kletkalarınan bir qansha iri bolıp ko`p yadrolı kletkalar qatarına kiredi. Ko`p mug`dardag`ı o`simshelerge 
iye. O`simsheler ishinde vakuolalar ushırasadı. Olar kletka membranası arqalı kletka aralıq zatqa shıg`ıp onı 
eritedi. Usı jol menen ostioklost kletkalar toqımanın` rawajlanıwı, o`siwi ha`m tikleniwin ta`miyinleydi. 
Tsitoplazmasının` orayı bazofil, tolıq boyaladı. Periferik bo`limleri oksifil. 
Su`yek toqımasının` kletkalar aralıq zatı - du`zilisi ha`m quramına qaray shemirshek toqımasının` kletkalar aralıq 
zatına uqsaydı. Kletkalar aralıq zattın` quramı ossiomukoid jipsheler ha`m organikalıq duzlardan ibarat. 
Ossiomukoid tiykarınan xondromukoidg`a uksaydı. Tiykarınan glyukoproteidlerden qıshqıl sulfatlang`an 
mukopolisaxaridlerden ibarat. Su`yek toqımasının` 50% in suw, 15,7 % in may, 12, 45% in organik zatlar 
ha`m 21, 85 % in ha`r qıylı duzlar quraydı. Su`yek yag`nıy toqımasının` qattı bolıwının` sebebi, onın` 
quramında kollagen ha`m mineral duzlar ko`p boladı. 
Su`yek toqımasında kollagenlesken protofrillalar ha`r qıylı bag`darda jaylasqan. Olar kletkanın` 
a`tirapında ta`rtipsiz jaylasqan bolsa, a`tiraptag`ı kaltsiy duzları ko`p jerlerde tıg`ız bolıp parallel baylamlar payda 
etip jaylasqan. 
Jipshelerdin` qalın`lıg`ı jas organizmde 100A
0
dan 600A° g`a shekem. U`lkenlerde 1600A
0
g`a ten`. 
Su`yek toqıması mineral zatının` qalın`lıg`ı 15-75A° uzınlıg`ı 1500A
0
. 
Su`yek toqımasının` kletkalar aralıq zatında boslıqlar bolıp olarda su`yek kletkalar jaylasadı. 
Boslıklardın` uzınlıgı 22-25 mk eni 6-14 mk qalın`lıg`ı 4-9 mk. 
Kollagen jipsheler kletkalar aralıq zatının` qanday bag`darda jaylasqanına qarap su`yek toqıması: 
targ`ıl jipsheli su`yek toqıması ha`m plastinka ta`rizli su`yek toqımasına bo`linedi.