Microsoft Word 13-lekciya doc

Orta ostion plastinkalar - tiykarınan qan tamırlar kanalshalarının`, do`gereginde shen`ber bolıp 
jaylasqan plastinkalardan quralg`an, ortasınan ostion kanal etedi. 
Aralıq yamasa qosımsha plastinkalar - toqımada ushırasatug`ın barlıq ostionlar sisteması araların 
toltırıp turadı. 
Ishki ulıwmalık yamasa u`lken plastinkalar - to`menengi ta`repinen barlıq bo`limlerdi orap turadı. 
Bunnan tısqarı nay ta`rizli su`yek kanalı diywalında bir neshe qabat su`yek plastinkası bolıp, ishki beti 
kollagen jipshelerden ibarat ha`m juqa perde-endost penen qaplang`an. 
Su`yek toqıması gistogenezi - su`yek toqıması tiykarınan eki jol menen rawajlanadı: 
birinshisi organizmnin` embrional rawajlanıw da`wirinde embrionnın` mezenxima toqıması 
kletkalarınan payda bolsa, ekinshisinde shemirshek toqımasınan payda boladı. Shemirshek toqımasının` 
o`zi de baslang`ısh da`wirde mezenximadan kelip shıkqan. Su`yek toqımasının` tiykarg`ı bo`limin su`yek 
kletkaları islep shıg`aradı. 
Su`yek toqımasının` mezenximadan rawajlanıwı. Da`slep plastinka ta`rizli su`yeklerge salıstırg`anda 
a`piwayı du`ziliske iye bolg`an targ`ıl su`yek toqıması payda bolıp, son` a`ste-aqırın su`yek plastinkasına 
aylanadı. Bug`an shekem mezenximanın` su`yek toqıması payda bolatug`ın bo`liminen kletkalar tezlik 
penen bo`linedi. Bo`lingen kletkalar qattı birikpe payda etedi. Olar aralarında baslang`ısh kletkalar 
aralıq zat jıynala baslaydı. Bulardan kollagen jipsheler payda bolıp, olardın` qattılanıwı aqıbetinde su`yek 
plastinkası payda boladı. Aralıq zattın` ko`beyiwi na`tiyjesinde su`yek kletkaları bir-biri menen 
o`simsheleri arqalı tutasqan halda uzaqlasadı, son a`ste-aqırın tiykarg`ı zat (ossimukoid) payda bolıp 
toqıma talaların bir-birine tıg`ız jabıstıradı ha`m qattı formag`a a`keledi. 
Su`yek toqımasının` aralıq zatı payda bolıwında ostioblast kletkaları tiykarg`ı xızmet atqaradı. 
Ostioblast kletkalar 2 bo`limnen ibarat: 
1. Sırtqı-periferik, ektoplazma dep ataladı. 
2. Ishki bo`limi-endoplazma dep ataladı.
Ektoplazma bo`limi a`ste-aqırın kletkadan ajıralıp shıg`ıp aralıq zat payda etedi. Son onın` arasına 
mineral duzlar, basqa komponentler jıynalıp qattı zat payda etedi. 
Bul qubılıs su`yek toqımasının` embrional rawajlanıw da`wirinde ju`da` tezlik penen baradı.