Microsoft Word al azkor ziyouz com doc
uning oldida hoziru nozir bo‘lgan bir kuzatuvchi (farishta u so‘zni yozib olur)»
Download 0.91 Mb. Pdf ko'rish
|
Imom Navaviy. Al-Azkor
uning oldida hoziru nozir bo‘lgan bir kuzatuvchi (farishta u so‘zni yozib olur)»
(Qof surasi, 18-oyat). «Shak-shubhasiz, Parvardigoringiz (barcha narsani) kuzatib turguvchidir» (Val-Fajr surasi, 14-oyat), deb aytgan. 985/1. Tobe’in Hafs ibn Osimdan (r.a.), u esa Abu Hurayradan (r.a.) qilgan rivoyatlarida Rasululloh sollallohu alayhi vasallam: «Har bir eshitgan narsasini gapiraverish kishining yolg‘onchi ekaniga dalolat qiladi», dedilar. Imom Muslim rivoyatlari. Imom Muslim bu hadisni ikki yo‘l bilan rivoyat qilganlar. Birinchisi, mana shu. Ikkinchisi, Hafs ibn Osimdan, u esa Rasulullohdan mursal holatda rivoyat qilgan hadis bo‘lib, bunda Abu Hurayra ismlarini zikr qilmaganlar. Abu Hurayradan zikr qilingan rivoyatni oldin keltirganlar. Chunki ishonchli roviyning ko‘shimchasi maqbuldir. Mana shu fiqh usuli, muhaddis olimlari tomonidan ixtiyor qilingan sahih yo‘ldir. Agar hadis ikki yo‘l bilan rivoyat qilinsa, biri mursal, ikkinchisi muttasil bo‘lsa, muttasilni oldinga ko‘yib, hadisning sahih ekaniga hukm qilinadi. Va mana shu hadis bilan hukmlarda va boshqa narsalarda hujjat qilish joiz. Vallohu ‘alam. 986/2. Umar ibn Xattobdan (r.a.) rivoyat qilinadi. Bu zot: «Eshitgan narsasini gapiraverishlik kishini yolg‘onchi ekanligiga kifoya qiladi», dedilar. Imom Muslim rivoyatlari. 987/3. Abu Mas’uddan yoki Huzayfa ibn Yamondan (r.a.) rivoyat qilinadi. Rasululloh sollallohu alayhi vasallam: «Kishining minadigan narsasi «gumon qilishlaricha», degan Al-Azkor. Al-Faqih an-Navaviy www.ziyouz.com kutubxonasi 271 so‘z bo‘lsa, muncha ham yomon», dedilar. Abu Dovud rivoyatlari. Imom Abu Sulaymon Xattobiy «Ma’olimus-sunan»da keltirishlaricha, aslida bu hadisning ma’nosi shuki, agar kishi boshqa bir shaharga borishni iroda qilsa, ulovni minadi-da, u bilan maqsadiga erishadi. Rasululloh sollallohu alayhi vasallam ana shu misolning so‘zi boshlanishida «gumon qilishlaricha», degan gapni ko‘yib, maqsadiga erishuvchilarga o‘xshatyaptilar. Chunki «gumon qiladilar» so‘zining isnodi yo‘q, sobit bo‘lmagan hamda tekshirilmagan narsaga ishlatiladi. Buni balog‘at shaklida hikoya qilinyapti. Rasululloh ana shunday tagi yo‘q gaplarni yomonlaganlar, hikoya qilayotgan narsasi ishonchli, sobit bo‘lishiga buyurib, ana shu sobit narsaga taalluqli bo‘lmaguncha rivoyat etmaslikka undamoqdalar. Download 0.91 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling