Microsoft Word al fiqh al absat ziyouz com doc

XOHISH BOBI 
Savol: — Alloh taolo odamlarni ular xohlamagan narsaga buyurganmi? Va Alloh biror 
narsani xoxlagan-u, ammo uni qilishni odamlarga buyurmaganmi? 
Javob: — Ha. 
Savol: — Nima u? 
Javob: — Alloh kofirga Islomni qabul qilishni buyurgan, ammo kofir Islomga kirishini 
xohlamagan, U kofirlarga kufrni xohlagan, lekin ularni kufr qilishlikka buyurmagan. 
Savol: — Alloh rozi bo‘lgan, ammo uni odamlarga buyurmagan narsa bormi? 

---

Al-fiqh al-absat. Imomi A'zam Abu Hanifa 
www.ziyouz.com kutubxonasi 
11
Javob: — Ha, u nafl ibodatlardir. 
Savol: — Alloh rozi bo‘lmagan narsani odamlarga buyurganmi? 
Javob: — Yo‘q. 
Savol: — Nega? 
Javob: — Chunki Alloh taolo nimani buyurgan bo‘lsa, undan rozidir. 
Savol: — Alloh bandalarni rozi bo‘lgan narsasi uchun azoblaydimi yoki rozi bo‘lmagan 
narsa uchun azoblaydimi? 
Javob: — Alloh bandalarni rozi bo‘lmagan narsa sababli azoblaydi. Chunki Alloh ularni 
kufr va gunohlari uchun azoblaydi. Kufr va gunohdan esa Alloh rozi emas. 
Savol: — Alloh bandalarga iroda qilgan narsa uchun azob beradimi yoki iroda qilmagan 
narsa uchun azob beradimi? 
Javob: — Alloh bandalarga iroda qilgan narsa uchun azob beradi. Chunki Alloh ularni 
kufr va gunohlari uchun azob beradi. Alloh kofir uchun kufrni, gunohkor uchun gunohni 
iroda etdi. 
Savol: — Alloh ularni Islomni qabul qilishga buyurib, so‘ngra ularga kufrni iroda etdimi? 
Javob: — Ha. 
Savol: — Allohning irodasi amridan oldin bo‘ladimi yoki Allohning amri Uning irodasidan 
ilgari bo‘ladimi? 
Javob: — Allohning irodasi Uning amridan oldin bo‘ladi. 
Savol: — Allohning xohishi Uning roziligimi yoki yo‘q? 
Javob: — Allohning xohishi va Uning rizosi bilan ish qilganidan Alloh rozi bo‘ladi. Kim 
Allohning xohishi, toati va buyurganlarini qilsa, Allohning roziligi va adli bilan ish qilgan 
bo‘ladi. Kim Allohning xohishi va buyurmaganlarini qilsa, Allohning roziligi bilan ish 
qilmagan bo‘ladi, lekin gunoh qilgan bo‘ladi, gunoh qilish Allohning roziligi emasdir.