Microsoft Word al fiqh al absat ziyouz com doc

Savol: — Alloh bandalarga rozi bo‘lgan narsa uchun azob beradimi yoki rozi bo‘lmagan 
narsa uchunmi 
Javob: — Alloh ularni kufr kabi rozi bo‘lmagan nar-sa uchun azoblaydi. Lekin itoat 
qilmaganliklari, gunoh ishlarni qilganlari uchun ularni azoblashga va ulardan qasos 
olishga rozi bo‘ladi. 
Savol: — Alloh mo‘minlarga kufrni xohlaganmi? 
Javob: — Yo‘q. 

---

Al-fiqh al-absat. Imomi A'zam Abu Hanifa 
www.ziyouz.com kutubxonasi 
12
Savol: — Alloh kofirlarni, ularni yaratishdan rozi bo‘lgani uchun azoblaydimi yoki ularni 
yaratishdan rozi bo‘lmagani uchun azoblaydimi? 
Javob: — Alloh ularni yaratishga rozi bo‘lgani uchun ularni azoblaydi. 
Savol: — Nega? 
Javob: - Chunki Alloh kufr uchun ularni azoblaydi, U kufrni yaratishdan rozi bo‘lgan, 
ammo aynan kufrning o‘zidan rozi bo‘lmagan. 
Savol: Allohning «...U O’z bandalarining kofir bo‘lishiga rozi bo‘lmas...» (Zumar, 7, 
mazmuni), degan so‘ziga nima deysiz? 
Javob: — Alloh bandalarga kufrni xohlaydi, ammo unga rozi bo‘lmaydi. 
Savol: — Nega? 
Javob: — Chunki Alloh Iblisni yaratdi, uni yaratishga rozi bo‘ldi, ammo Iblisning aynan 
o‘zidan rozi bo‘lmadi. Aroq va to‘ng‘izlar ham shunga o‘xshash. Alloh ularni yara-tishga 
rozi bo‘lgan, ammo ularning aynan o‘zidan rozi bo‘lmagan. Agar Alloh aroqning aynan 
o‘zidan rozi bo‘lganida edi, uni ichgan odam go‘yo Alloh rozi bo‘lgan narsani ichgan 
bo‘lardi. Alloh aroqdan ham, kufrdan ham, Iblis va uning qilmishlaridan ham rozi 
bo‘lmaydi. Lekin Alloh Muhammad sallallohu alayhi vasallamdan rozidir. 
Savol: — Yahudiylar: «Allohning «yadi» bog‘liq (baxil)...» (Moida, 64, mazmuni), — 
deganlarida, Alloh ularning shunday deyishlaridan rozi bo‘lganmi? 
Javob: — Yo‘q.