Microsoft Word biznes rezhalashtirish

 
Қисқача хулосалар 
 
Иқтисодиётнинг бозор муносабатларига ўтиши билан аввалги техник, саноат, 
молиявий режалар ўрнига бизнес-режалар вужудга келган бўлиб, корхона 
фаолиятининг жорий ва истиқболдаги стратегиялари белгилаб берилувчи асосий 
ҳужжат ҳисобланади. 
Бизнес-режа учта асосий функцияни бажаришга имкон беради: биринчидан, 
бизнес концепцисини ишлаб чиқиш, иккинчидан, бизнес-режани амалга ошириш 
учун зарур бўлган пул маблағлари миқдорини аниқлаш ва учинчидан, корхонанинг 
жорий фаолиятини бошқариш воситаси ҳисобланади. 
Бизнес-режа бир нечта бўлим ва кўрсаткичлардан иборат бўлиб, уларнинг 
сони корхонанинг ҳажми, ўзига хосликлари ва бошқа хусусиятларига боғлиқ 
бўлади. илмий адабиётларда 10-12 бўлимдан иборат бўлган бизнес-режалар тавсия 
қилинади. 
Бизнес-режанинг асосий бўлими ишлаб чиқариш дасутри бўлиб, у бизнес-
режанинг бошқа бўлимларини ишлаб чиқиш учун ҳисобланади. Ишлаб чиқариш 
дастури маҳсулотга бўлган истеъмолчилик талабини синчиклаб ўрганиш асосида 
тайёрланиши зарур. 
Бизнес-режа амалиётда асосан ики босқичда тайёрланиб,бу босқичларнинг ҳар 
бирида мос келувчи вазифалар бажарилади. Бизнес-режанинг ҳаётийлиги кўп 
жиҳатдан уни тайёрловчилар, биринчи навбатда иқтисодчиларнинг малакаси ва 
тажрибасига боғлиқ бўлади. 
 
Мавзу бўйича таянч иборалар 
 
Бизнес-режанинг моҳияти ва вазифалари. Бизнес фалсафаси. Бизнес юритиш 
концепцияси. Корхона фаолиятининг амалдаги натижаларини баҳолаш. Пул 
маблағларини жалб қилиш зарурлигини асослаб бериш. Бизнес-режани тайёрлаш 
босқичлари. Бизнес-режанинг лойиҳа варианти. Бизнес-режани якуний ишлаб 
чиқиш ва расмий ҳужжат сифатида тасдиқлаш. Расмий бизнес-режа. Ишчи бизнес-
режа. Бизнес-режа структураси. Йирик ёки ўрта ҳажмли корхона учун бизнес-режа 
структураси. Фирмада ички режалаштириш.