Microsoft Word dinda savol2 ziyouz com doc

Savol: Xizr – payg‘ambarmi yoki Allohning valiylaridanmi? 
Javob: Keng ilm, chuqur hikmat va chiroyli sabrga zarbulmasal bo‘lgan Xizrning asl 
ismi Balyo ibn Malkon ibn Folig‘dir. Ismini Ilyo ibn Ilyos deganlar ham bor. U – Nuh 
alayhissalomning sulolalaridandir. Xizr – uning laqabi bo‘lib, yashil, zangori ma’nolarini 
anglatadi. Aytilishicha, u oq mo‘ynaning ustida o‘tirganida yashil bo‘lib qolgan ekan. 
Imom Navaviy «Tahzibul asmo val-lug‘ot» kitoblarida ushbu fikrni quvvatlaganlar. Bu 
Buxoriyning «As-Sahih»larida rivoyat qilingan. Payg‘ambar sollallohu alayhi vasallam:
«Uni Xizr deb atalishining sababi, mo‘ynaning ustida o‘tirgandi. Bir vaqt mo‘yna uning 
ortidan yashil holda silkindi», deydilar. Imom Navaviy bu – sahih va ravshan dalildir, 
deya aytadilar. 
Muso alayhissalomning «Kahf» surasida zikr qilingan sohiblari Xizrdir. Alloh taolo 
aytadi: «(Muso) dedi: «Mana shu biz istagan narsadir». So‘ng uni (Xizrni) izlab ortlariga 
qaytdilar. Bas, bandalarimizdan bir bandani topdilarki, Biz unga o‘z dargohimizdan 
rahmat ato etgan va O’z huzurimizdan ilm bergan edik. Muso unga: «Senga bildirilgan 
bilimdan, menga ham to‘g‘ri yo‘lni ta’lim berishing uchun senga ergashsam maylimi?» 
dedi. U (Xizr) aytdi: «Aniqki, sen men bilan birga sabr qilishga hargiz toqating yetmas. 
(Zotan) o‘zing egallab olmagan – xabardor bo‘lmagan narsaga qanday sabr qilursan?! 
(Muso) dedi: «Inshaalloh, sen mening sabr-toqatli ekanimni ko‘rursan. Men biron ishda 
senga osiylik-itoatsizlik qilmasman. U (Xizr) aytdi: «Bas, agar menga ergashsang, to 
o‘zim senga aytmagunimcha biron narsa haqida mendan so‘ramagin!» (64-70-oyatlar). 
Ulamolarning ittifoqiga ko‘ra, Xizr – Alloh taolo rahmat va ilmi bilan fayzlantirgan solih 
bandalardan biri. U muayyan ummatga yuborilgan rasul emas. Ammo payg‘ambarligi 
to‘g‘risida ixtilof mavjud.

---

Dinda savolim bor. 2-kitob