Jabrlangan kishini ochiq havoga olib chiqiladi, ko`zlari, nafas yullari, nafas olish
organlarini muhofaza qilish materiallari, 2% li ichimlik sodasi eritmasi shimdirilgan paxtali doka
bog`ichlar tayyorlash va taqish lozim.
Tabiiy gazning to`liq
yonmasligi, gaz oqimining behosdan uzilib qolishi,
xona ichida gaz
to`planishi, gazni yoqib, qarovsiz qoldirish, isitish tizimlariga gazni ulashda xavfsizlik qoidalariga
rioya qilmaslik oqibatida portlash va yong`in sodir bo`lishi hamda tabiiy gaz va is gazlaridan
zaharlanish holatlari bilan bog`liq favqulodda vaziyatlar sodir bo`lishi mumkin.
Natijada insonlar
turli xil og`ir tan jarohatlari olishlari yoki ularning bevaqt vafot etishi yuzaga keladi.
Is gazi-xonadonlarimizda foydalaniladigan tabiiy gazning to`liq yonmasligi, ko`mir va
organik yonilg`i moddalarning chala yonishidan hosil bo`ladigan gazdir. Is gazi inson
organizmining nafas yo`llari va nafas a`zolariga kuchli ta`sir qiladi.
Is gazi nafas yo`llari orqali
organizmni, xususan, markaziy asab sistemasini zararlaydi.
Is gazidan qator organik moddalar sintez qiluvchi korxonalarda,
garajlarda ventilyatsiya
yomon bo`lganda, yangi bo`yalgan, shamollatilmaydigan xonalarda, shuningdek,
uy sharoitlarida
tabiiy gaz yonib turganda va pechka bilan isitiladigan uylarda va pechka qopqog`i o`z vaqtida
yopilmaganda zaharlanib qolish mumkin.
Is gazidan zaharlanish uning havodagi kontsentratsiyasi va ta`sir muddatiga bog`liq bo`ladi.
Zaharlanish engil, o`rta va og`ir darajalarda bo`ladi, bunday hollarda bosh qattiq og`riydi, aylanadi,
qusish, hushdan ketish hamda nafas olish sekinlashadi, ba`zan o`limga ham olib keladi.
Birinchi yordam ko`rsatish uchun, avvalo, zaharlangan kishini zudlik bilan toza havoga olib
chiqish zarur. Yuzaki nafas olishda yoki nafas olish tuxtab qolganda sun`iy nafas oldira boshlash
lozim. Agar bemor hushida bo`lsa, tananing yuqori qismi qisib turuvchi kiyimlardan bo`shatiladi,
issiq choy va qahva ichiriladi.
Do'stlaringiz bilan baham: 
