Microsoft Word kr dunyoning ishlari ziyouz com doc

www.ziyouz.com кутубхонаси 
18
етмади. 
— Лўкилла! — дедим бақириб. 
У чап оёғини кўтарганча ҳаккалаб сакрай бошлади. Аммо ўн қадам ҳам юролмади. Ҳар 
сакраганда бурни булоқдек қайнайди. Қайта-қайта артгани билан фойдаси йўқ. Болалар 
хахолайди. Айниқса, мен ҳузур қилиб куламан. Охири бўлмади — Той йиқилиб тушди. 
— Бўлди! Қайтадан зувлайсан. 
— Зувламайман! 
— Зувлайсан! 
— Зувламайман! Зувламайман! — Той тўсатдан жазаваси тутиб ерни муштлаганча йиғлаб 
юбор-ди.— Ҳаммангни ёмон кўраман! Айниқса сен ёмонсан! 
Шовқин-сурон билан бўлиб онамнинг чақирганини эшитмай қолибман. Бир маҳал қарасам, 
тепамда онам турибди... 
— Тур, болам, — онам Тойнинг бошини силади. Этагини кўтариб, унинг бурнини артди. — Вой, 
онанг ўргилсин, қўй, йиғлама, болам. — Кейин мени четга имлади. — Бу ёққа юр-чи! 
Нарироққа бордим. 
— Нега укангни йиғлатасан? — деди қаҳр билан. 
— Қайси укамни? 
— Ўша укангни! 
— Той-ку! Қанақасига укам бўлсин? — дедим илжайиб. 
— Шунақасига! Нега қийнайсан бола бечорани? Ёғочнинг бўшини қурт емай ўлсин. 
— Ғирромлик қилмасин-да, бўлмаса! — дедим чийиллаб. — Нега зувламайди? 
— Ўлиб қолдингми шу билан?.. 
Ўшандан кейин кўп ўтмай Тойлар кўчиб кетишди. Қаёққалигини болалар суриштиришмади ҳам. 
Той... ўша ўзимизнинг Той шундай йигит бўлганига ҳамон ҳайрон эдим. 
Онам вафот этганда Той онаси Нисо холани бошлаб келди. Кейин ҳам кўп елиб-югурди. Кунора 
келади. 
«Бизга хизмат борми?» деб машинасини тўғрилаб туради. 
Қайси куни ишдан келсам, эшик олдида яна Тойнинг машинаси турибди. Қарасам, айвонда Той 
билан Нисо хола ўтиришибди. Сочлари оқариб кетган Нисо хола мен билан айланиб-ўргилиб 
кўришди. 
— Пошша опамни туш кўрибман, — деди кўзига ёш олиб. — Тойиржонни етаклаб юрган 
эмишлар. Шунга бир хабар олай, деб келдим. — У бир зум индамай қолди-да, овози товланиб 
давом этди: — Пошша опам қандоқ эдилар-а! Тойиржонни қандоқ яхши кўрардилар-а!.. 
Нисо хола кўзимга тикилиб оҳиста сўради: 
— Биласиз-а? 
— Биламан, жуда яхши кўрардилар, — дедим болаликдаги ўша воқеаларни эслаб. 
Нисо хола кўзимга яна диққат билан тикилди. 
— Айтган бўлсалар керак? 
— Нимани? 
— Айтмаганмилар? 
— Нимани айтадилар! — дедим ҳайрон бўлиб. 
— Ия, Тойиржон сизнинг укангиз-ку! — Нисо хола астойдил ажабланди. Кейин маъюс тортиб 
жимиб қолдида, хўрсинди. — Ўшанда сиз талпинчоқ бўлиб қолган эдингиз. Тойиржоннинг 
чилласи чиқмаган... Худонинг ҳам бандаларига атаган азоби кўп экан. Бир кечада касалга 
чалиниб қолдим. Кўкрагимга ёмон яра чиқиб, қирқ кун «ол кет, ол қўй» бўлиб ётибман денг... 
Айни қаҳатчилик, уруш, биров бировга ҳолинг нима кечди, дейиши маҳол... Ўзим-ку, майли, 
болам ўлиб қолади, дейман. Докага ангишвонадек ёғми, нонми ўраб чақалоқнинг оғзига солиб 
қўйишади. Шунда денг, бир куни Пошша опам келиб қолдилар. Айланиб-ўргилиб, Тойиржонни 
бағриларига босиб эмиздилар. Шу ердан Бешқўрғонга саратонда куйиб ҳар куни уч марта 

---

Дунёнинг ишлари (қисса). Ўткир Ҳошимов