Microsoft Word kr dunyoning ishlari ziyouz com doc

www.ziyouz.com кутубхонаси 
52
Тут тагига келгандан кейингина опам мени ерга қўйди. 
— Мана синглинг, — деди беланчакка имо қилиб.— Синглим десанг ҳам бўлади, жияним десанг 
ҳам. Синглим деявер. 
Мўралаб қарасам, беланчакда атлас кўйлакча кийган қизалоқ ётибди. Секин тебратиб кўрдим. 
Опам ёшли кўзларига табассум қалқиб, яна бир марта бошимни силаб қўйди-да, уй томонга 
қараб қичқирди: 
— Дадаси! Ойим келдилар! 
Зум ўтмай ойнабанд айвоннинг эшиги шарақлаб очилди-да, елкасига беқасам тўн ташлаган 
киши чиқиб келди. 
— Ойим келдилар! — деди Башорат опам тантана билан. 
Беқасам тўнли киши ойим билан қуюқ сўрашди. Онам унинг пешонасидан ўпиб кўришаркан, 
менга ўгирилди: 
— Поччангга салом бермайсанми? 
Поччам худди катта киши билан сўрашгандек, қўл бериб кўришди. 
— Отингиз нима, полвон йигит? — деди кулиб. 
Пастак шифтли хонага кирдик. Тўрда Сталиннинг ҳарбий кийимдаги сурати илиғлиқ турар, 
дераза тепасидаги михга илинган лаганчага ўхшаш қора карнайдан музика янграр эди. Ёнбош 
томонда эса занжирли осма соат. Соатнинг тепаси мушукнинг бошига ўхшатиб ишланган. 
Капгир у ёқ-бу ёққа бориб келган сайин мушукнинг кўзи ҳам у ёқ-бу ёққа мўралайди. Бунақа 
соатни дадамнинг ҳужрасида ҳам кўрмаганман. 
Опам эски шолча тўшалган ерга дарров кўрпача ёзди. Хонтахта қўйиб, дастурхон безади. 
Пиёламга муштдек новвот солиб чой қуйиб берди. 
Кунбўйи пиёда юравериб, чарчадимми, карнайдан ҳадеб янграётган музика элитдими, ухлаб 
қолибман. Бир маҳал опам пешонамни силаб уйғотди: 
— Тур, жоним, қорнинг очиб кетди-ку. 
Кўзимни очсам дастурхонда устига кўк пиёз сепилган бир лаган мошкичири турибди. Ойим, 
опам, поччам гангир-гунгир суҳбатлашиб ўтиришибди. Опамнинг қистови билан уч-тўрт қошиқ 
мошкичири едиму тағин ухлаб қолдим. 
Кейин яна уйғониб кетдим. Анчагача қаердалигимни билолмай, шифтга тикилиб ётдим. Хира 
лампочка ёниб турар, аллақаерда соат чиқилларди. Девордаги «мушук соат»ни кўргандан 
кейингина Башор опамникида ётганимни англадим. Ёнбошимга ўгирилган эдим, каравот 
ғичирлади. Қарасам, ёнимда бояги атлас кўйлакли сингилчам юмшоққина бўлиб пишиллаб 
ухлаб ётибди. Уйғотиб юбормай деб, тағин кўзимни юмиб олдим. Аввал хўрсиниқ, кетидан аёл 
кишининг ҳиқиллаган йиғиси эшитилди. 
— Юзимни ёруғ қилдингиз, ойижон... — Бу Башор опамнинг овози эди. — Куёвингизнинг 
олдида ердан суғуриб олдингиз. Турмуш қурганимизга уч йил бўляпти. Куёвингизга нима 
дейишимни билмайман. Отам бор дейману боролмайман, онам бор дейману кўрсатолмайман. — 
Опам яна чуқур хўрсинди. — Ойим тириклигида, отангнинг кўзига кўринма, деб тергаб 
турарди. Онам ўлгандан кейин нима деб боришни ўзим ҳам билмадим. Бир замонлар дадам 
билан ойимнинг турмуши бузилган бўлса, менинг айбим нима, ойижон... Ойим адамнинг 
дилини оғритган бўлса бордир, аммо менда нима гуноҳ? 
— Қўйинг, жон болам, — ойим оҳиста юпатди. — Турмуш ўлгур шунақа экан. Одам бу дунёдан 
нима обкетади? Борадиган жойи бўйрадек ер... Адангизнинг жаҳли тез бўлгани билан кўнгли 
бўш. Уч-тўрт кундан кейин ўзингиз боринг. Куёвниям оборинг. Сиз боласиз, у киши ота. Менинг 
келганимни айтмай қўя қолинг. Эски гиналарни унутинглар. 
— Бормоқчиям бўлувдим... — Опам тараддудланиб жимиб қолди. — Тағин сизнинг 
кўнглингизга келмасин, деб... 
— Гапингиз қурмасин, — ойим опамнинг сўзини кесди. — Этни тирноқдан ажратиб эсимни 
ебманми? Минг қатла шукр, адангиз борлар, синглингиз, қўша-қўша укаларингиз бор, 

---

Дунёнинг ишлари (қисса). Ўткир Ҳошимов