Microsoft Word men ham namoz uqiyman kr ziyouz com doc

Мен ҳам намоз ўқийман

МЕН ҲАМ НАМОЗ ЎҚИЙМАН

Масъул муҳаррирлар:

Абдулазиз МАНСУР, Анвар ТУРСУН

Таҳрир ҳайъати: Нуруллоҳ МУҲАММАД РАУФХОН

Муҳаммад ШАРИФ ЖУМАН Нуриимон АБУЛҲАСАН

Нашрга тайёрловчи: Абдуллоҳ МУРОД ХОЛМУРОД ўғли

Тартибловчи: Қудратуллоҳ ЖУМА ўғли

Мусаҳҳиҳа: Райҳона ХОЛБЕК қизи

Оятлар таржимони ва изоҳлар муаллифи Абдулазиз МАНСУР

Тошкент
«Янги аср авлоди» 2003

ИСЛОМ ВА ИМОН ШАРТЛАРИ

Ислом тинчликка, покликка, инсонийликка, меҳр-мурувватга, ватанпарварликка, илм олишга чақирувчи диндир. У инсонни икки дунё саодатига етказади.

Қуйидагилар Ислом динининг рукнларидир:

1. 
   Имон.
   
2. 
   Ҳар куни беш маҳал намоз ўқиш.
   
3. 
   Рамазон ойида ўттиз кун рўза тутиш.
   
4. 
   Закот бериш. Закот Исломда молиявий ибодатдир. Яъни бойлиги нисобга (муаййан миқдорга) етган мусулмоннинг йилда бир марта ҳақдорларга закот бериши фарз.
   
5. 
   Ҳаж қилиш. Бу амал моддий жиҳатдан қурби етадиган мусулмонларгагина фарздир. Қуйидагиларга ишонган киши имонлидир:
   

1. 
   Аллоҳга;
   
2. 
   Аллоҳнинг фаришталарига;
   
3. 
   Аллоҳнинг китобларига;
   
4. 
   Аллоҳнинг пайғамбарларига;
   
5. 
   Охират кунига;
   

6. 
   Тақдирга, яъни яхшилик ҳам, ёмонлик ҳам Аллоҳдан эканига;
   
7. 
   Ўлимдан кейин қайта тирилмоққа.
   

ИМОН КАЛИМАЛАРИ

«Л`а ил`аҳа иллалл`оҳ, Муҳаммадур расул`уллоҳ».
Маъноси: «Аллоҳдан бошқа илоҳ йўқ, Муҳаммад Аллоҳнинг пайғамбаридир».

«Ашҳаду алл`<sup>'</sup>а ил`аҳа иллалл`оҳ ва ашҳаду анна Муҳаммадан ъабдуҳ`у ва рас`улуҳ».

Маъноси: «Аллоҳдан ўзга сиғиниладиган (илоҳ) йўқлигига ва Муҳаммад алайҳиссалом Аллоҳнинг қули ва элчиси эканига иқрорман».