Microsoft Word Норматова Шоира darslik 11. 02 2015. doc

 
HAYOTDA O‘Z O‘RNIGA EGA BO‘LISH… 
Aziz talaba, mana bolaligingdan orzu qilgan (balki sen emas, sening ota-
onang buni juda istagandir), shu dargohda o‘qish sharafiga muyassar bo‘lish 
uchun erta-yu kech test savollariga tayyorlanib, eng nufuzli oliygohlardan 
birining TALABASI bo‘lding. Uzoq vaqt sirli va go‘yoki hech qachon 
“qo‘ling yetmaydigan darvoza” eshiklari bugun sen uchun ochiq. Kechagina 
bu dargohda o‘qiydigan talabalarga havas qilib, ularning biriga aylanish 
uchun butun boringni berishga tayyor eding. Bugun esa ularning safidasan.
Auditoriya eshiklarini ochar ekansan, qalbingdagi hayajon bo‘g‘zingga 
tiqilib, tushuntirib bo‘lmas bir tuyg‘u seni g‘alati ahvolga solib qo‘ysa, 
bilginki, sen o‘z o‘rningni topib kelding.
Ba’zida darsda o‘tirgan talabalar orasida loqayd, bo‘m-bo‘sh ko‘zlarni 
ko‘rib (gaplarimni ko‘nglingga qattiq olma), “bu yerda nima qilyapsan? O‘z 
o‘rningni topsang-chi. Axir butun hayoting shunday o‘tib ketishi mumkin-
ku…” deyishni istaydi kishi… Agar sen ham shunday “adashganlar”ning 
biri bo‘lsang, hali ham kech emas. Butun umr achingandan ko‘ra hozir bu 
haqida jiddiy o‘ylab ko‘rib, layoqating, iste’doding, xohishingga mos kasbni 
tanla. Xatoni o‘z vaqtida tuzatish juda muhim, keyingi pushaymon esa, 
bilasan – o‘zingga dushman bo‘ladi.
Esingdami, bolaligimizda sevib o‘qigan ertaklarimiz qahramonlari ham 
o‘z baxtini izlab uzoq yo‘lga chiqqanlarida uch yo‘ldan birini tanlashlari 
kerak edi.
Agar sen ham o‘z kelajagingni ota-onang bilan maslahatlashib, o‘zing 
tanlagan bo‘lsang, u holda barcha qiyinchiliklarni yengib o‘tishingga 
ishonaman.
Hayotda to‘g‘ri kasb tanlash juda qiyin bo‘lsa, lekin o‘zing sevmagan, 
senga hech qanday zavq bermaydigan kasb bilan shug‘ullanish undan ham 
mushkuldir. Bu– haqiqiy baxtsizlik.
Hayotda o‘z o‘rniga ega bo‘lish… Aziz talaba, bu haqida jiddiy o‘ylab 
ko‘rdingmi? “Diplomni olvolay, keyin bir gap bo‘lar”, tarzida yo‘l 
tutmayapsan degan umiddaman… Ishon, “diplomli adashganlar” sensiz ham