Microsoft Word sabotul ojizin ziyouz com doc

www.ziyouz.com kutubxonasi 
7
Қадам босқон манозил эрди пур атр, 
Саҳобул—абйаз эрди бошида чатр. 
Жамоли неъмати матлуби кавнайн, 
Камолидин муяссар «қоба қавсайн». 
Шарофат мундин ўтмас — суннату фарз 
Юруса то хуружи Доббатул —арз. 
Ҳама диндин бўлубдур дини боло, 
Гувоҳи ҳазратй Вожиб Таоло. 
Анинг авсофини йўқ интиҳоси, 
Нағу, етмас деса васфин Худоси. 
Худонинг раҳмати бўлсун дамодам 
Анинг авлодиға, асҳобиға ҳам. 
КИТОБ ТАЪЛИФИНИНГ САБАБИ 
БАЁНИ 
Ёзилди форсий тил бирла мактуб, 
Ақийдоту фуруъ қурби маҳбуб. 
Аниким кўрдилар туркий ёронлар, 
Дедилар: «Гар дуо қилса эранлар. 
Битилса турки тил бирла ақийда, 
Кўнгуллар бўлса андин орамийда». 
Тамаллуқ қилдилар чун бир неча ёр, 
Қалам тортай, Худо бўлсун мададкор. 
Ва лекин айлайин сўзларни ижмол, 
Манга йўқтур муфассал қилғали ҳол. 
Мане бечора, чунки омидурман, 
Гирифтори маломат домидурман. 
Эрурман бандаларнинг сарнигуни, 
Тўлай ёру биродарлар забуни. 
Агар чандики бўлсам мағзи йўқ пўст, 
Ишорат қилдилар, чун бир неча дўст. 
Аларнинг сўзларин бузмай мане зор, 
Савод эттим неча манзума ночор. 

---

Саботул-ожизин. Сўфи Оллоёр 
www.ziyouz.com kutubxonasi 
8
Ақийда сўзларини қилдим исбот, 
Анга қўйдим «Саботул—ожизин» от. 
Ўзимдек хасталар бўлғайму деб шод, 
Насойиҳдин ҳам андак айладим ёд. 
Насиҳат тингламас дил сахти маҳжуб, 
Кўкармас тоша ёмғур ёғса ҳам кўш 
АЛЛОҲ ТАОЛОНИ ТАНИМОҚ 
БАЁНИ 
Недур қуллуқ ани муштоқи бўлмоқ, 
Ўзидин фони Ҳақға боқи бўлмоқ. 
Тонимоқ Тангрини тонмоқ ҳаводин, 
Кейин турмоқ фиоли нораводин. 
Бўйинсунмоқ, югурмоқ «қил!» демишда, 
Қазоға рози бўлмоқ барча ишда. 
Умид этмак ўшал қудратли Шоҳдин, 
Ёнардин хавф этиб, ёнмоқ гуноҳдин. 
Яқин билмак, жамоат эътиқодин, 
Кейин солмоқ мухолиф ижтиҳодин. 
Ақийда билматан шайтона элдур, 
Агар минг йил амал деб қилса, елдур. 
Уёлма маърифатни ўрганурдин, 
Танур жойинг бўлур, қолсанг танурдин. 
Уёлмасдур талаб амрини олғон, 
Қолур яхши уй олғандин уялғон. 
АЛЛОҲ ТАОЛОНИНГ БИРЛИГИ 
БАЁНИ 
Худовандики бирдур бешаку райб, 
Раво эрмас анга ўртоқ ила айб. 
Анинг фармонидин ҳеч ким қутулмас, 
Тавонодур ҳамиша, ўзга бўлмас. 

---

Саботул-ожизин. Сўфи Оллоёр 
www.ziyouz.com kutubxonasi 
9
Эрур ул барча оламнинг Худоси, 
Анинг йўқ ибтидоси, интиҳоси. 
Эрур ҳозир ҳамиша, йўқ макони, 
Анга қилғон эмас сабқат замони. 
Ўзи бешубҳадир ҳам бенамуна, 
Раво эрмас анга чуну чигуна. 
Кўнгилга кечса, кўзга тушса ҳар шай, 
Эрур андин муназзаҳ Холиқу Ҳай. 
Удур ҳоким ки ҳукмин ўзга этмас, 
Анинг зотиға ҳеч ким ақли етмас. 
Фаришталар, набилар етмадилар, 
Бўйинсундилару фикр этмадилар. 
Вале фикр эт, Худонинг қудратиға, 
Ажойиб ишлариға, санъатиға.