Microsoft Word sahih buhari1 ziyouz com doc

71-bob. Shahidga janoza o'qimoq to'g'risida
Jobir ibn Abdulloh rivoyat qiladirlar: «Rasululloh sallallohu alayhi va sallam Uhud jangida 
shahid bo'lganlarning har ikkitasini bir qabrga qo'ydirar erdilar. Qabrga qo'yilmog'idan 
avval: «Bulardan qaysi biri Qur'onni ko'proq yodlagandir?»-deb so'rar erdilar. «Mana 
bunisi» deb ko'rsatishgan mayyitni oldin lahadga qo'ydirar erdilar. So'ng, Rasululloh 
sallallohu alayhi va sallam: «Bul kishilarga (Olloh yo'lida jonini qurbon qilganlarga) 
qiyomat kuni men guvohdirmen!»-deb, ularning qonlarini yuvdirmay va janoza ham 
o'qitmay dafn qildirar erdilar».
Uqba ibn Omir rivoyat qiladirlar: «Bir kuni Rasululloh sallallohu alayhi va sallam, Uhud 
jangida shahid bo'lganlarga o'z ajali birlan o'lgan mayyitga o'qigandek janoza o'qidilar. 
So'ng, minbarga chiqib: «Men sizlardan avval borib (jannatdan joy) tayyorlab 
turg'uvchimen va men sizning (qilgan yaxshi amallaringizga) guvohdirmen. Ollohga 
qasam ichib ayturmenkim, hozir men Havzi Kavsarni ko'rib turibdirmen, menga Yer 
xazinalarining kalitlari (yokim «Yer kalitlari»,- dedilar shekilli) berildi. Olloh haqqi-

---

Sahihi Buxoriy. 1-jild. Imom Ismoil al-Buxoriy
hurmati, men o'lganimdan keyin sizlardan xotirjamdirmen, faqat, mol-dunyo ketidan 
quvmasangizlar, deb qo'rqg'aymen, xolos»,- dedilar».
72-bob. Ikki yoki uch mayyitni bir qilib dafn etmoq haqida
Jobir ibn Abdullox rivoyat qiladirlar: «Rasululloh sallallohu alayhi va sallam Uhud jangida 
shahid bo'lgan kishilarning har ikkitasini bir qilib qabrga qo'ydirar erdilar».
73-bob. «Shahidlarni yuvmoq lozim ermas»,- degan kishilar haqida
Jobir ibn Abdulloh rivoyat qiladirlar: «Rasululloh sallallohu alayhi va sallam: «Shahidlarni 
(yuvmay) qonlari birlan dafn qilaveringizlar!» - dedilar. O'shal kuni shahidlarni hech kim 
yuvmadi».