Microsoft Word sahih muslim1 ziyouz com doc

Qo‘shni va mehmonni hurmat qilishga undash, yaxshi narsalardan boshkasida 
gapirmasdan jim turish hamda mana shu narsalarning barchasi iymondan 
ekani haqida 
152/1. Abu Hurayra roziyallohu anhudan rivoyat qilinadi. Rasululloh sollallohu alayhi 
vasallam: «Kim Allohga va oxirat kuniga iymon keltirsa, yaxshi so‘zlarni aytsin yoki jim 
tursin. Kim Allohga va oxirat kuniga iymon keltirsa, qo‘shnisini hurmat qilsin. Kim 
Allohga va oxirat kuniga iymon keltirsa, mehmonni hurmat qilsin», dedilar. 
153/2. Abu Hurayra roziyallohu anhudan rivoyat qilinadi. Rasululloh sollallohu alayhi 
vasallam: «Kim Allohga va oxirat kuniga iymon keltirsa, qo‘shnisiga ozor bermasin. Kim 
Allohga va oxirat kuniga iymon keltirsa, mehmonni hurmat qilsin. Kimki Allohga va 
oxirat kuniga iymon keltirsa, yaxshi so‘zlarni gapirsin yoki jim tursin», dedilar. 
Bu yerda yuqoridagi hadis takror kelgan. Va unga «qo‘shnisiga yaxshilik qilsin», deb 
qo‘shimcha qilingan. 
154/3. Abu Shurayh al-Xuzoiy roziyallohu anhudan rivoyat qilinadi. Rasululloh sollallohu 
alayhi vasallam: «Kim Allohga va oxirat kuniga iymon keltirsa, qo‘shnisiga yaxshilik 
qilsin. Kim Allohga va oxirat kuniga iymon keltirsa, mehmonni hurmat qilsin. Kim 
Allohga va oxirat kuniga iymon keltirsa, yaxshi so‘zlarni gapirsin yoki jim tursin», 
dedilar. 
20-bob
Munkar narsalardan qaytarish iymondan ekani, albatta iymon ziyoda bo‘lib-
kamayishi va amri ma’ruf, nahyi munkarning vojibligi haqida 

---

Sahihi Muslim (birinchi kitob). Imom Muslim 
www.ziyouz.com kutubxonasi 
37
155/1. Toriq ibn Shihob roziyallohu anhudan rivoyat qdlinadi. Hayit kuni namozdan oldin 
xutba aytishni birinchi bo‘lib boshlagan kishi Marvondirlar. Bir kishi: «Xutbadan oldin 
namoz», dedi. Marvon: «Bu narsa tark qilingan», dedilar. Abu Said: «Bu kishi 
zimmasidagi haqni ado etdi. Men Rasululloh sollallohu alayhi vasallamdan eshitganman, 
u zot: «Kim biror munkar ishni ko‘rsa, qo‘li bilan o‘zgartirib bartaraf etsin. Agar bunday 
qilishga qodir bo‘lmasa, tili bilan bartaraf qilsin. Agar bunga ham qodir bo‘lmasa, qalbi 
bilan karih ko‘rib bartaraf qilsin. Mana shu (oxirgisi zaif iymondir)», dedilar», deb 
aytganlar. 
Bu yerda yuqoridagi hadis takror kelgan. 
156/2. Abdulloh ibn Mas’ud roziyallohu anhudan rivoyat qilinadi. Rasululloh sollallohu 
alayhi vasallam: «Alloh taolo mendan oldin biror ummatga payg‘ambar yuboradigan 
bo‘lsa, albatta o‘sha ummat ichida izdoshlari va sahobalari bo‘lgan. Ular o‘sha 
payg‘ambarning sunnatini ushlab, uning buyruqlariga ergashishgan. Ulardan keyin 
yomon avlod kelib o‘rinbosar bo‘ladiki, ular qilmagan ishlarni aytib va buyurmagan 
narsalarni bajarishadi. Kim ularga qo‘li bilan kurashsa, mo‘mindir. Kim ularga tili bilan 
kurashsa, mo‘mindir. Kim ularga qalbi bilan kurashsa, u ham mo‘mindir. Lekin buning 
ortida xantal urug‘icha ham iymon yo‘qdir», dedilar. 
Abu Rofe’: «Abdulloh ibn Umarga bu hadisni aytsam, inkor qildilar. Ibn Mas’ud 
roziyallohu anhu Madinadagi Qinot vodiyiga kelganlarida Abdulloh ibn Umar Ibn 
Mas’udning ziyoratlariga meni hamroh qilib oldilar. Men Ibn Umar bilan birga u zotning 
huzurlariga borib o‘tirganimda bu hadis haqida so‘rasam, xuddi Ibn Umar roziyallohu 
anhuga aytganim kabi menga gapirib berdilar», deb aytdilar. 
Bu yerda yuqoridagi hadis takror kelgan. Lekin Ibn Mas’ud roziyallohu anhuning 
kelganlari va Ibn Umar bilan uchrashganlari zikr qilinmagan.