Microsoft Word Saniyazova doc

Jumi’sti’n’ maqseti ha’m wazi’ypalari’ 
 
Qaraqalpaq tilindegi bali’qshi’li’q leksikasi’n toplaw, materiallardi’ 
analizlew ha’m ilimiy bag’darda izertlew magistrlik jumi’si’mi’zdi’n’ tiykarg’i’ 
maqseti boli’p tabi’ladi’. Sebebi tilimizde bali’qshi’liq leksikasi’ haqqi’nda 
jazi’lg’an arnawli’ ilimiy miynetler joq. Bali’qshi’li’q ka’sibine baylani’sli’ 
leksika boyi’nsha ayi’ri’m ilimiy miynetlerdi atap aytpag’anda izertlewler
joqti’n’ qasi’nda. Sol miynetlerde de tek basli’ ma’seleler sistemali’ ra’wishte 
g’ana bayanlang’an. Biz sol ushi’n da qaraqalpaq tilindegi bali’qshi’li’q 
leksikasi’n analizlewdi ha’m ilimiy bag’darda izertlewdi maqset yetip qoydi’q. 
Magistrlik dissertaciyaliq jumi’si’mi’zdi’n’ tiykarg’i’ wazi’ypalari’:
qaraqalpaq tlindegi bali’qshi’li’q leksikasi’, bali’qshi’li’q ka’sibine baylani’sli’
qollani’latug’i’n so’zler, bali’q atamalari’n fonetika-morfologiyali’q, leksika-
semantikali’q bag’darda ilimiy analizlew tiykari’nda usi’ waqi’tqa shekem 
qaraqalpaq til biliminde izertlenilmegen temani’ u’yreniw boli’p tabi’ladi’.
Bizin’ magistrlik dissertaciyami’zdi’n’ tiykarg’i’ maqseti qaraqalpaq 
tilindegi bali’qshi’li’q leksikasi’n, bali’q atamalari’n ilimiy bag’darda 
u’yreniwden ibarat. 
Belgilengen maqsetke yerisiw ushi’n to’mendegi wazi’ypalardi’ sheshiw 
belgilendi: 

---

5
-ori’s ha’m tu’rkiy til biliminde leksikologiyani’n’ izertleniwin u’yreniw; 
- qaraqalpaq tilindegi bali’qshi’li’q leksikasi’ni’n’ izertleniwin u’yreniw; 
-leksikologiya boyi’nsha izertlengen miynetlerge sholi’w jasaw; 
-bali’q atamalari’ni’n’ kelip shi’g’i’w wo’zgesheliklerin ani’qlaw; 
-basqa tillerden kirgen bali’q atamalari’n analizlew; 
-bali’qshi’li’q ka’sibine baylani’sli’ qollani’lg’an so’zlerdi ani’qlaw; 
Izertlewdin’ tiykarg’i’ ma’seleleri ha’m gipotezasi’n 1) tupkilikli 
tu’rkiy so’zlerinen jasalg’an bali’q atamalari’ni’n’ wo’zgeshelikleri, 2) basqa 
tillerden kirgen bali’q ha’m bali’qshi’li’q atamalari’ni’n’ qollani’liw 
wo’zgeshelikleri, 3) bali’qshi’li’q ka’sibine baylani’sli’ qollani’latug’i’n 
so’zlerdin’ wo’zgeshelikleri si’yaqli’ ma’seleler quraydi’.