Microsoft Word soliha ayollar ziyouz com doc

 

Sirriy Saqatiyning shogirdi bo‘lgan ayol 

(quddisa sirruho) 

 

Sirriy Saqatiy hazratlariga murid bo‘lgan bir ayol bor edi. O‘g‘li muallimdan dars olardi. 

Ustozi bir gal u bolani tegirmonga yubordi, bola suvga tushib cho‘kib ketdi. Muallim 

Shayx Sirriy Saqatiy hazratga xabar yuborib, ahvolni tushuntirdi. Sirriy hazrat: “Qani, 

turinglar, birga u bolaning onasi oldiga boramiz”, dedi va bordilar. Shayx Sirriy Saqatiy 

sabr haqida gapirdi, so‘ng rizodan so‘z ochdi. Shunda ayol so‘radi: 

---

Soliha ayollar. Bahriddin Umrzoq 

 

 

www.ziyouz.com kutubxonasi 

17

– Bu so‘zlar bilan nimaga ishora qilmoqchisiz, ey ustoz! 

– Bolang suvga cho‘kib ketibdi. 

– Mening bolammi? 

– Ha. 

– Aslo, Alloh bunday qilmagan! 

 

Shayx Sirriy yana sabr va rizodan gapira boshladi. Ayol: 

– Yuringlar men bilan birga, – dedi. Hammalari birga tegirmonga quyiladigan irmoq 

labiga borishdi.  

– Mening bolam bu suvning qaeriga cho‘kib ketdi? – deb so‘radi. Ko‘rsatishdi. 

– Muhammad! Bolam… – deb chaqirdi. 

– Labbay, onajon! 

 

Ayol ovoz kelgan joyga sho‘ng‘idi va bir pasda o‘g‘lini qo‘lidan tutib olib chiqdi. Hamma 

hayratdan yoqa ushladi: o‘g‘li o‘lmagan, soppa-sog‘, tirik edi. Ayol bolasini yetaklab 

uyiga ketdi. 

 

Shayx Sirriy Saqatiy Shayx Junayd huzuriga borib, bu ishning asrorini so‘radi: 

– Bu nima hol, qanday qilib? Tushuntirib bering! – dedi. 

 

Junayd hazratlari bunday deb javob berdi: 

– Bu ayol Haq taolo unga vojib qilgan hamma narsani o‘z vaqtida, talab qilinginidek 

bajarar edi. Bunday kishining hukmi shulki, o‘ziga taalluqli har hodisa, albatta, unga 

bildiriladi. Unga o‘g‘lidan ajralganligi bildirilmaganligi uchun “o‘g‘ling cho‘kib ketdi” 

deganni darhol rad qildi va qat’iy: “Aslo, Alloh bunday qilmagan!” dedi.