Microsoft Word Umumiy soliqlar va soliqqa tortish rtf rtf

 
Mavzuga doir masalalar 
 
1-masala. Yagona soliq to‘lovi to‘lovchisi bo‘lgan ishlab chiqarish 
korxonasi joriy yilda quyidagi ko‘rsatkichlarga ega bo‘lgan: 
 o‘zi ishlab chiqargan mahsulotlarni sotishdan tushgan tushum – 
65000 ming so‘m; 
 davlat qimmatli qog‘ozlaridan olingan daromad – 350 ming so‘m; 
 valuta hisobvaraqlari bo‘yicha, shuningdek, chet el valutasidagi 
operatsiyalar bo‘yicha kursdagi ijobiy farq – 52 ming so‘m; 
 valuta hisobvaraqlari bo‘yicha, shuningdek, chet el valutasidagi 
operatsiyalar bo‘yicha kursdagi salbiy farq – 45 ming so‘m; 
 sud qarori bilan korxonaga undirib berilgan jarima summasi – 250 
ming so‘m; 
 da’vo muddati o‘tgan kreditor qarzdorlikning hisobdan 
chiqarilgan summasi – 550 ming so‘m; 
 tekinga olingan mol-mulk qiymati – 280 ming so‘m. 
Hisobot davri uchun yagona soliq to‘lovi summasini aniqlang. 
 
2-masala. Yagona soliq to‘lovi va qo‘shilgan qiymat solig‘i 
to‘lovchisi bo‘lgan ishlab chiqarish korxonasi bo‘yicha quyidagi 
ko‘rsatkichlar berilgan: 
 tovar (ish, xizmat)larni sotishdan tushgan tushum (QQS bilan) – 
650000 ming so‘m; 
 asosiy vositalarni realizatsiya qilishdan tushgan tushum – 66000 
ming so‘m (asosiy vositalarning boshlang‘ich qiymati 100000 ming so‘m, 
hisoblangan amortizatsiya summasi – 50000 ming so‘m); 
 mol yetkazib beruvchilar tomonidan xo‘jalik shartnomasiga 
muvofiq to‘lab berilgan jarima summalari – 250 ming so‘m; 

---

106
 binoni ijaraga berishdan olingan daromadlar – 25000 ming so‘m. 
Hisobot davri uchun byudjetga hisoblangan va to‘langan yagona 
soliq to‘lovi va qo‘shilgan qiymat solig‘i summasini aniqlang. 
 
 
O‘z-o‘zini nazorat qilish uchun savollar 
 
1. Soliq solishning soddalashtirilgan tartibini soliq amaliyotida 
tatbiq etishning zarurligi nimada?
2. Soliq amaliyotida soliq solishning soddalashtirilgan tartibi va u 
qaysi me’yoriy hujjat asosida ilk bor qachon joriy qilingan? 
3. Kichik biznes subyektlari tarkibi qaysi mezonlar asosida belgi-
lanadi? 
4. Yagona soliq to‘lovi qachon joriy etildi? 
5. Yagona soliq bilan yagona soliq to‘lovining farqi nimada? 
6. Yagona soliq to‘lovi to‘lovchilari kimlar? 
7. Yagona soliq to‘lovining stavkalari qaysi mezonlar asosida 
belgilanadi? 
8. Qanday yuridik shaxslar yagona soliq to‘lovidan imtiyozga ega? 
9. Yagona soliq to‘lovi byudjetga qaysi muddatdan kechiktirmasdan 
to‘lanadi? 
10. Yagona soliq to‘lovini to‘lash muddatini kechiktirish huquqini 
berish tartibi qanday? 
11. Tuman (shahar) davlat soliq inspeksiyasining yagona soliq 
to‘lovini to‘lash muddatini kechiktirishni rad etish to‘g‘risidagi qarori 
qanday hollarda qabul qilinishi mumkin?